ڈسٹرکٹ اینڈ سیشن کورٹ اسلام آباد نے وزیر اعلیٰ خیبر پختو نخوا علی امین گنڈا پور کے وارنٹ گرفتاری جاری کردیے۔
جوڈیشل مجسٹریٹ مبشر حسن زیدی نے تھانہ بارہ کہو میں درج مقدمے کی سماعت کی اور اس دوران غیر قانونی اسلحہ اور شراب برآمدگی کے کیس میں علی امین گنڈاپور کے وارنٹ گرفتاری جاری کیے گئے۔
پنجاب حکومت نے بھی لاہور سمیت دیگر اضلاع میں فوج طلب کر لی
سماعت کے دوران عدالت نے کہا کہ علی امین گنڈاپور متعدد بار عدالتی طلبی کے باوجود عدالت کے روبرو پیش نہ ہوئے۔
عدالت نے حکم دیا کہ علی امین گنڈا پور کو گرفتار کر کے آئندہ سماعت میں پیش کیا جائے اور کیس کی سماعت 12اکتوبر تک ملتوی کردی۔
وزیر اعلیٰ خیبر پختونخوا علی امین گنڈا پور کی گرفتاری کے لیے رینجرز اور پولیس کے دستے خیبرپختونخوا ہائوس اسلام آباد پہنچ گئے ہیں۔ قیدی وین بھی کے پی ہاﺅس میں پہنچا دی گئی ہے۔