کراچی کا موسم ایسا ہے کہ کب کون سا روپ لے لے کچھ معلوم نہیں چلتا، کبھی مارچ کے موسم میں سردی کی لہر اٹھ جاتی ہے تو کبھی نومبر میں شدید گرمی سے عوام پریشان ہوجاتی ہے۔
ایسے بدلتے موسم میں مختلف بیماریاں کراچی کی آب و ہوا میں بس جاتی ہیں اور ہر دوسرا شخص اسکی لپیٹ میں آجاتا ہے۔
جیسے کہ ہماری شوبز انڈسٹری سے وابستہ اداکارہ حنا الطاف، انہیں بھی کراچی کے موسم نے بیمار کردیا۔
حنا نے انسٹاگرام پر ایک اسٹوری شیئر کرتے ہوئے اپنے مداحوں سے پوچھا کہ، کیا کوئی اور بھی ایسا ہے جسے بخار ہورہا ہے؟
شیئر کی گئی اسٹوری میں انہوں نے اپنے آدھے چہرے کی تصویر بھی ساتھ لگائی ہے جس میں بجھا بجھا اور بیمار زدہ چہرہ صاف نظر آرہا ہے۔
اسکے علاوہ انہوں نے کراچی کے حالیہ موسم کے چلتے ایک اور اسٹوری لگائی، جس میں انہوں نے دکھایا کہ دنیا کے مختلف ممالک میں نومبر کا مہینہ برف اور ٹھنڈ میں ہے جبکہ کراچی میں سورج آگ اگل رہا ہے۔