بھارتی ٹیم چیمپئنز ٹرافی کھیلنے نہ آئی تو انڈیا سے کبھی کوئی میچ نہیں کھیلیں گے ، پاکستان ڈٹ گیا

بھارت کی جانب سے چیمپئنز ٹرافی کیلئے  پاکستان آنے سے انکار پر حکومت پاکستان نے بھی سخت جواب دینے کا فیصلہ کیا ہے۔

حکومتی ذرائع کے مطابق  بھارتی ٹیم نہ آئی تو پاکستان ٹی 20ورلڈ کپ سمیت بھارت سے کوئی میچ نہیں کھیلے گا ،آئی سی سی چیمپئنز ٹرافی کیلئے پاکستان نے تمام تیاریاں مکمل کر لی ہیں۔

محمد رضوان آسٹریلیا میں سیریز جیتنے والے دوسرے پاکستانی کپتان بن گئے

چیمپئنز ٹرافی پاکستان میں ہی ہو گی، کسی قسم کا ہائبرڈ ماڈل قبول نہیں،تمام ٹیمیں پاکستان آنے کو تیار ہیں تو بھارت کیوں نہیں آئے گا ؟تمام ٹیمیں پہلے بھی پاکستان آچکی ہیں۔

ذرائع کا مزید کہنا ہے آئی سی سی نے پی سی بی کو آگاہ کیا ہے کہ بھارت نے چیمپئنز ٹرافی کیلئے پاکستان آنے سے انکار کردیا ہے ۔

ون ڈے چیمپئن ٹیم کیخلاف سیریز جیتنا بڑی کامیابی ہے،وسیم اکرم

دوسری جانب بھارت کی اولمپکس 2036کی بڈ کیخلاف بھی حکومت پاکستان نے خط لکھنے کا سوچ لیا ہے،حکومتی ذرائع کا کہنا ہے اولمپکس 2036 میں کرکٹ شامل ہونی ہے۔

بھارت چیمپئنزٹرافی پاکستان کھیلنے نہیں آ رہا تو پاکستان کیسے جائے گا،بھارت کھیلوں میں سیاست نہ لائے۔