2025ء کے آغاز پر دنیا کے طاقتور ترین پاسپورٹس کی فہرست جاری کی گئی ہے جس میں سنگاپور کا پاسپورٹ پہلے نمبر پر ہے۔
ہینلے اینڈ پارٹنرز کی جاری کردہ فہرست کے مطابق طاقتور ترین پاسپورٹ سنگاپور کا ہے، اس کے شہری 195 ممالک میں ویز ے کے بغیر جا سکتے ہیں۔
جاپان کا پاسپورٹ دوسرے نمبر پر ہے، فرانس، فن لینڈ، اٹلی، جرمنی، اسپین اور جنوبی کوریا کے پاسپورٹس تیسرے نمبر پر ہیں، نیوزی لینڈ، بلجیئم، پرتگال سوئٹزر لینڈ اور انگلینڈ کا پاسپورٹ پانچویں نمبر پر ہے۔
پی آئی اے کی پرواز کل اسلام آباد سے پیرس روانہ ہو گی
آسٹریلیا اور یونان کا پاسپورٹ چھٹے نمبر پر ہے، کینیڈا، پولینڈ اور مالٹا کے پاسپورٹ ساتویں نمبر پر ہیں، امریکا کا پاسپورٹ نویں نمبر پر ہے، فہرست میں متحدہ عرب کا پاسپورٹ دنیا کا دسواں طاقتور ترین پاسپورٹ ہے۔
کویت کا پاسپورٹ 50 ویں نمبر پر ہے، سعودی عرب کا پاسپورٹ 58 ویں، چین کا 60 ویں، بھارت کا پاسپورٹ 85 ویں نمبر پر ہے، بنگلہ دیش اور فلسطین کے پاسپورٹ 100 نمبر پر ہیں۔
پاکستانی پاسپورٹ بھارت، بنگلہ دیش اور فلسطین سے بھی کمزور ہے، پاکستانی پاسپورٹس کا فہرست میں 103 واں نمبر ہے۔