پاکستانی اداکار و ماڈل دودی خان نے ایک بار پھر اپنا بیان تبدیل کرتے ہوئے بھارتی اداکارہ راکھی ساونت سے ملاقات کرکے تنقید کرنے والوں کو کرارا جواب دینے کا اعلان کردیا۔
دودی خان نے پہلے راکھی ساونت کو شادی کی پیش کش کی تھی جو کہ بھارتی اداکارہ نے قبول کی تھی۔
بعد ازاں دودی خان اپنے بیان سے مکر گئے تھے اور کہا تھا کہ بھارتیوں کی تنقید کی وجہ سے وہ راکھی ساونت سے خود شادی نہیں کریں گے لیکن کسی دوسرے پاکستانی سے ان کی شادی کروائیں گے۔
لیکن اب انہوں نے مزید دو نئی ویڈیوز جاری کرتے ہوئے اپنا بیان تبدیل کرلیا اور کہا کہ بھارتیوں میں اتنی طاقت نہیں کہ وہ انہیں راکھی ساونت سے ملنے سے روکیں۔
دودی خان نے اپنی نئی ویڈیو جاری کرتے ہوئے واضح کیا کہ انہوں نے کوئی یوٹرن نہیں لیا، وہ اپنے وعدے اور بات سے پیچھے نہیں ہٹے۔
ان کا کہنا تھا کہ انہوں نے راکھی ساونت سے بات کرلی ہے، اب دونوں ایک ہی ویڈیو میں ایک ساتھ بیٹھ کر تنقید کرنے والوں کو جواب دیں گے۔
دودی خان کے مطابق انہوں نے پیار سے لوگوں کو بتایا لیکن پیار سے ان کی بات کسی کو سمجھ نہیں آئی، اب وہ اچھے طریقے سے سب کو سمجھائیں گے۔
انہوں نے ویڈیو میں بھارتیوں کو مخاطب ہوتے ہوئے کہا کہ وہ جتنے بھی بھارتی لوگ راکھی ساونت کے خلاف باتیں کر رہے ہیں، وہ سن لیں، وہ اداکارہ کو بھارت سے ہی لے کر جائیں گے۔
ویڈیو میں انہوں نے راکھی ساونت کو مخاطب ہوتے ہوئے انہیں اپنی جان کہا اور ساتھ ہی پیغام دیا کہ وہ اداکارہ کے ساتھ متحدہ عرب امارات (یو اے ای) کی ریاست دبئی میں مل کر، انہیں ساتھ بٹھا کر، ان کے ساتھ ویڈیو بنا کر لوگوں کو بتائیں گے۔
بعد ازاں دودی خان نے ایک اور ویڈیو بھی جاری کی، جس میں انہوں نے راکھی ساونت کو پیغام دیا کہ ’آپ نے گھبرانا نہیں ہے‘۔
دودی خان نے راکھی ساونت کو مخاطب ہوتے ہوئے کہا کہ وہ ان سے ملاقات کے لیے دبئی آ رہے ہیں۔سمجھ کر کام کی پیش کش کرتے رہے ہیں، مائرہ خان