یوٹیوبر اور سوشل میڈیا انفلوئنسر رجب بٹ کی سابق اہلیہ ایمان فاطمہ نے بیٹے کیوان سلطان کی سالگرہ کی تقریب میں رجب بٹ کی شرکت پر خوشی اور جذبات کا اظہار کرتے ہوئے ان کے ساتھ دوبارہ بسنے کی امید ظاہر کردی ہے۔
رجب بٹ اور ایمان فاطمہ کے درمیان تنازع کے بعد علیحدگی اور طلاق کی خبریں سامنے آئی تھیں، تاہم ایمان فاطمہ کی دعوت پر رجب بٹ نے بیٹے کی سالگرہ کی تقریب میں شرکت کی۔ تقریب کی ویڈیوز اور تصاویر سوشل میڈیا پر تیزی سے وائرل ہوئیں۔
اس موقع پر اپنے جذبات کا اظہار کرتے ہوئے ایمان فاطمہ کا کہنا تھا کہ وہ رجب بٹ کی سالگرہ میں آمد پر بہت خوش ہیں۔ انہوں نے خواہش ظاہر کی کہ رجب بٹ انہیں اور اپنے بیٹے کو واپس گھر لے جائیں تاکہ ان کے درمیان مکمل صلح ہوسکے۔
ایمان فاطمہ کے اس بیان کے بعد سوشل میڈیا پر صارفین کا ملا جلا ردِعمل دیکھنے میں آ رہا ہے، جہاں کچھ صارفین نے ان کی زندگی کے لیے نیک تمناؤں کا اظہار کیا، جبکہ کچھ افراد نے ان کے اس بیان پر تنقید بھی کی۔