سرگودھا میں دوران سفر بس میں خواتین سے چھیڑ چھاڑ کرنے والے ہائی وے پیٹرولنگ پولیس کا اہلکار آخرکار پکڑا گیا۔
بتایا جاتا ہے کہ نارووال چوک مرید کے پر ہائی وے پیٹرولنگ اہلکار نے خاتون کو بس میں ہراساں کیا تھا جس کی ویڈیو سوشل میڈیا پر وائرل ہوگئی تھی، پولیس نے خواتین کو ہراساں کرنے والے اہلکار کو گرفتار کرلیا ہے۔
وزیر اعلیٰ پنجاب مریم نواز نے ہائی وے پیٹرولنگ پولیس کے گرفتار اہلکار کی لاپ اپ کی تصویر سوشل میڈیا پر شیئر کرتے ہوئے لکھا ’’گرفتار! ہراسمنٹ کے لیے زیرو ٹالرنس‘‘۔
دوسری جانب بہاولپور کے علاقے یزمان میں بھی خواتین کو چھیڑنے والا ملزم زخمی حالت میں پکڑا گیا۔
سی سی ڈی پنجاب کے مطابق ملزم پولیس کو دیکھ کر بھاگا اور تیز رفتاری کے باعث درخت سے ٹکرا کر زخمی ہوگیا۔