پی ایس ایل کے چوتھے سیزن کا آغاز ہوچکا ہے۔ کرکٹ شائقین
کا جوش و خروش اس وقت عروج پر ہے اور ہر کوئی اپنی من پسند ٹیم کی حمایت
میں مصروف ہے- لیکن اگر بات کی جائے پی ایس ایل کے گزشتہ 3 سیزن کے ریکارڈز
کی تو کئی حیران کن حقائق ہمارے سامنے آتے ہیں- جن میں سے چند مندرجہ ذیل
میں موجود ہیں:
|
|
پاکستان سپر لیگ کے سب سے کامیاب ترین بیٹسمین کامران اکمل ہیں ۔ کامران
اکمل نے 34 میچز کے دوران 929 رنز بنائے۔
پی ایس ایل میں کل 3 سنچریاں بنائی گئی ہیں۔ جن میں سے 2 کامران اکمل نے
بنائی ہیں۔
پی ایس ایل میں سب سے زیادہ باؤنڈریز مارنے کا ریکارڈ بھی کامران اکمل کے
پاس ہے ۔ جن میں 85 چوکے اور 49 چھکے شامل ہیں ۔
پی ایس ایل کے تینوں ایڈیشن میں سب سے زیادہ کیچز پکڑنے کا ریکارڈ بھی
کامران اکمل کے پاس ہے- انہوں نے 20 میچوں کے دوران 15 کیچ پکڑے-
دلچسپ بات یہ ہے کہ سب سے زیادہ مرتبہ بغیر کوئی رن بنائے آؤٹ ہونے کا
ریکارڈ بھی کامران اکمل کے نام ہی ہے- کامران اکمل 5 بار بغیر کوئی رن
بنائے آؤٹ ہوئے-
پی ایس ایل کی ایک اننگ میں سب سے زیادہ چھکے لگانے کا ریکارڈ کامران اکمل
کے بھائی عمر اکمل کے پاس ہے۔
|
|
پی ایس ایل کے سب سے کامیاب باؤلر کی بات کی جائے تو وہ وہاب ریاض ہیں۔
وہاب ریاض نے 31 میچز میں 48 وکٹیں حاصل کی ہیں ۔
سب سے زیادہ نصف سنچریاں بنانے کے ریکارڈ بابر اعظم کے پاس ہے- بابر اعظم
نے پی ایس ایل میں 7 نصف سنچریاں بنائیں-
پی ایس ایل کی سب سے زیادہ کامیاب ٹیم اسلام آباد یونائیٹڈ ہے کیونکہ یہ پی
ایس ایل تین سیزن میں سے 2 سیزن میں فتح حاصل کرچکی ہے- سال 2016 اور سال
2018 کا ٹائٹل اسلام آباد یونائیٹڈ نے اپنے نام کیا جبکہ صرف سال 2017 میں
پشاور زلمی نے یہ ٹورنامنٹ جیتا- جبکہ چوتھے سیزن کے ٹائٹل کے لیے ابھی جنگ
جاری ہے-
پی ایس ایل کے تمام سیزن میں سب سے زیادہ مرتبہ شکست کا سامنا لاہور قلندر
کو کرنا پڑا-
اب سال 2019 میں پی ایس ایل کے چوتھے سیزن کا کھیل جاری ہے- اس کی فاتح ٹیم
کونسی ہوتی ہے٬ کتنے نئے ریکارڈ قائم ہوتے ہیں؟ اس کا فیصلہ تو آنے والا
وقت ہی کرے گا-
|
|