گل ریزے

کایا پلٹ
اکثر دیکھا ہے کہ بچے جب نادان ہوتے تو جوتے الٹے پہنتے ہیں لیکن پاؤں سیدھا رکھتے ہیں
جب سمجھدار ہو جائیں تو یہ ترتیب الٹ جاتی ہے
اب وہ
جوتے سیدھے پہنتے ہیں …………….
قدم الٹے رکھتے ہیں
……………………………………
تبدیلی
زندگی سے پیا ر جب موت کا انکار بن جائے
تو
انسان کے
افکار ہی بدل جاتے ہیں
……………………………
تفاوت
مسئلہ یہ نہیں کہ ہم دوسروں کو اپنی نظر سے دیکھتے ہیں
المیہ یہ ہے کہ ہم
انہیں اپنے جیسا دیکھنا چاہتے ہیں
اور اس سے بھی بڑا المیہ یہ اپنے جیسا پا کر بھی اپنے جتنا نہیں سمجھتے
…………………………………
حاسد کون؟؟
جو کچھ اچھا کر پائے
نہ ہوتا دیکھ پائے

…………………………………
حیرت کدہ
میری شادی ہوئی تو
پتہ چلا انجام کسے کہتے ہیں؟
اولاد کی نعمت ملی
تو پتہ چلا انعام کسے کہتے ہیں ؟
………………………………………………………………

اندھیرا
اگر کوئی تمہیں خوامخواہ برا کہے
تو جان لینا ……………
تم دونوں میں سے کوئی ایک
یقیناً اندھیرے میں ہو گا
…………………………………………

اکائی
کیسی عجیب بات ہے کہ ایک مختصر ترین اکائی بھی ایک ہے اور بزرگ ترین بھی…………….
یہی وجہ ہے اس کائنات کے خالق کو بھی ہم ’’ ا حد ‘‘ کہہ کر پکارتے ہیں

…………………………………………..
قیام امن
من چاہے تو ’’ امن ‘‘ ملتا ہے
اور کوئی من ایسا نہیں جو اپنے لئے امن نہ چا ہتا ہو………………
بس ہمیں یہ یاد نہیں رہتا کہ امن مانگنے سے نہیں
دینے سے ملتا ہے
………………………………

دائمی دشمنی
اتحاد اور فساد ایک دوسرے کے دائمی دشمن ہیں
جبھی تو یہ کبھی ایک ساتھ نہیں دیکھے گئے
…………………………………………
فساد کی جڑ
مجھے لگتا ہے کہ ہمارے اکثر مسائل کی جڑیں ہماری زبان کی نوک سے جڑی ہیں
……………………………..
چمک
اگر کوئی تمہاری خوامخواہ مذمت کرے تو کبھی مغموم مت ہونا
یہ تمہارے کردار کی چمک سے جس کا قصور ہے سارا
تیز روشنی سے اکثر آنکھیں چندھیا جاتی ہیں اور منظر غیر واضح ہو جاتا ہے

…………………………………………….
خود فہمی
خوش فہمی اچھی ۔۔۔۔۔۔۔۔۔ نہ غلط فہمی
خود ستائی اچھی ۔۔۔۔۔۔۔۔ نہ خود نمائی
ہاں ۔۔۔۔۔۔۔۔۔۔۔۔۔۔۔۔۔۔
خود فہمی ہاتھ آجائے تو کیا کہنے
لیکن مسئلہ یہ ہے کہ یہ خود سے ہاتھ آتی نہیں ہے۔اسکی تسخیر نفس کی تطہیر کے بغیر ممکن نہیں

…………………………….
لاعلمی
جو سدِ راہ ہیں کاش وہ جانتے ہوتے ۔۔۔۔کہ بعض اوقات
مضبوط دیواریں
خود اپنے بوجھ سے ہی منہدم ہو جایا کرتی ہیں

…………………………………….
معجزہ
کچھ ہونا معجزہ نہیں…. کچھ نہ ہونا معجزہ ہے

…………………………………….
نسیان
ایک دن میری نصف بہتر بولی ’’بس اب مجھے یقین ہوگیا ہے کہ مجھے واقعی نسیان ہوگیا ہے ۔یہ تک یاد نہیں رہتا کھانا کھایا بھی یا نہیں ‘‘۔میں ’’خوشی‘‘ سے اچھل پڑا ۔دل میں لڈو پھوٹنے لگے۔کام سے واپسی پر لڈو بانٹنے کا ارادہ کرتے ہوئے کام پر روانہ ہو گیا….. .
لیکن شام کو جب کسی معمولی سی بات پر نوک جھوک ہوئی تو میں نے اپنا ارادہ بدل دیا.غیر شادی شدہ لوگ اسکی وجہ کسی مقامی شادی شدہ آدمی سے پوچھ سکتے ہیں

یہ بھی پڑھیں امیر نسل اور غریب نسل

……………………………………..

رحمتِ عظمیٰ
ماں باپ سے
گہری عقیدت
توشہ ء آخرت ہے

………………………………….
سعادت
نیکی کی عادت…..
ہر سانس ہے سعادت

……………………………………
’’ ذاتی تجربہ ‘‘
با تونی لوگوں کے لئے
’’ سننا ‘‘
اور
چپ رہنا
دنیا کا سب سے
بڑا المیہ ہے
……………………………………………وحدانیت
جو کسی ایک کا نہیں بنتا
اسے سب کا بننا پڑتا ہے
جو سب کا ہو جائے
وہ
کسی کا نہیں رہتا
حتیٰ ٰ کہ اپنا بھی نہیں
……………………………………..
مہنگا سودا
رشتوں کو سستا سمجھنے والوں کو….. یہ سو دا ……………………..
بڑا مہنگا پڑتا ہے ..
…………………………………………
بنیادی غلطی
انسان کو اپنا قد ٹھیک سے ناپنا آجائے
تو اسے باقی سب لوگوں کے قد اپنے قد سے بہرطور بڑے دکھائی دینے لگی
………………………………………….

دائمی فکر
صرف اپنی فکر میں مبتلا آدمی کی فکر کو وہ دوام نصیب ہوتا ہے کہ وہ کبھی بھی اس فکر سے نجات حاصل نہیں کر پات
…………………………………..

Handle with care
کانچ کا کوئی برتن ہاتھ سے گر ے اور ٹوٹ جائے تو بہت دکھ ہوتا ہے جبھی تو ہم اسے احتیاط سے تھامتے ہیں ۔
کاش ہم دلوں کو بھی کانچ کا جان کر کچھ احتیاط کر لیا کریں
……………………………………….
انکار
ایک ،ایک انتہائی معمولی مقدار ۔عموماً جسے اتنی اہمیت کبھی نہیں دی جاتی …………………………………………لیکن ………
اس ’’ معمولی ‘‘ ترین مقدار کا ماننا کتنا دشوار ہے کہ
دنیا ’’ایک ‘‘کو ’’ایک ‘‘‘ ماننے پر کبھی ایک نہیں ہوئی ۔
جانے کیوں ؟
…………………………………………
بے سکونی
سکون کی خواہش مجھے سکون سے جینے نہیں دیتی
……………………………….
اصلاح احوال
خامی کا ہونا برا نہیں
رہنا برا ہے
…………………………………………
احتیاط
محفل میں دوسروں کا خیال رکھو
جبکہ
تنہائی میں اپنا
……………………………….
درس
انسان پتھروں کو بولنا نہیں سکھا سکتا
تو کم از کم
ان سے چپ رہنا ہی سیکھ
۔۔۔۔۔۔۔۔۔۔…………………………….

نصرت
دنیا کی محبت کبھی غالب کرتی ہے
نہ دین کی کبھی مغلو ب
…………………………………….

جدائی
بڑے چلے جائیں
تو…………….
چھوٹے
باہر سے ایک دم بڑے اور اندر سے چھوٹے ہو جاتے ہیں
……………………………………..
مجبوری
مجھے جھوٹ بہت برا لگتا ہے خصوصاً جب دوسرے بولیں
مجھے صر ف سچ پسند سننا ہے لیکن صرف آپ کے منہ سے
………………………

عدم توازن
ذہنی پریشانی کی دو وجوہات
ضرورت سے زیادہ امید یں وابستہ کر لینا
یا ضرورت سے انتہائی کم
……………………………
توازن
توازن کی ا ہمیت کا اندازہ اس امر سے لگائیں کہ یہ کھو جائے تو آدمی اپنے پاؤں پر بھی کھڑا نہیں رہ سکتا

 

Safder Hydri
About the Author: Safder Hydri Read More Articles by Safder Hydri: 77 Articles with 62492 viewsCurrently, no details found about the author. If you are the author of this Article, Please update or create your Profile here.