|
آقائے دو عالم خاتم النبین حضرت محمد صلی اللہ علیہ وآلہ
وسلم نے ام مسلمہ کے اپنی سیرتِ طیبہ اور اسوہ حسنہ عملی زندگی کا نمونہ
ہمارے لیے رہنمائی کا پیکر ہے۔ معاشرے کی اصلاح سے زندگی کے تمام معاملات
پر تفصیلاً رہنمائی ملتی ہے۔ آج ایک ایسی تحریر کا انتخاب کیا گیا ہے جسے
پڑھ کر صلاح جوئی اور مثبت سوچ جنم لیتی ہے اگر ہم آج سے اپنی سوچ کو مثبت
سوچ اور صلاح جوئی کی طرف موڑ لیں تو معاشرے میں بہت سی برائیاں خود بخود
دم توڑ جائیں گیں۔ دوسگے بھائیوں کے بڑے بڑے زرعی فارم ساتھ ساتھ واقع تھے
دونوں چالیس سال سے ایک دوسرے سے اتفاق سے رہ رہے تھے اگر کسی کو اپنے
کھیتوں کیلئے کسی مشینری یا کام کی زیادتی کی وجہ سے زرعی مزدوروں کی ضرورت
پڑتی تو وہ بغیر پوچھے بلا ججھک ایک دوسرے کے وسائل استعمال کرتے تھے.لیکن
ایک دن ان میں کسی بات پر اختلاف ہو گیا اور کسی معمولی سی بات سے پیدا
ہونے والا یہ اختلاف ایسا بڑھا کہ ان میں بول چال تک بند ہو گئی اور چند
ہفتوں بعد ایک صبح ایسی بھی آ گئی کہ وہ ایک دوسرے کے سامنے کھڑے گالی گلوچ
پر اتر آ ئے اور پھر چھوٹے بھائی نے غصے میں اپنا بلڈوزر نکالا اور شام تک
اس نے دونوں گھروں کے درمیان ایک گہری اور لمبی کھاڑی کھود کر اس میں دریا
کا پانی چھوڑ دیا····اگلے ہی دن ایک ترکھان کا وہاں سے گزر ہوا تو بڑے
بھائی نے اسے آواز دے کر اپنے گھر بلایا اور کہا کہ وہ سامنے والا فارم
ہاؤس میرے بھائی کا ہے جس سے آج کل میرا جھگڑا چل رہا ہے اس نے کل بلڈو زر
سے میر ے اور اپنے گھروں درمیان جانے والے راستے پر ایک گہری کھائی بنا کر
اس میں پانی چھوڑ دیا ہے.میں چاہتا ہوں کہ میرے اور اس کے فارم ہاؤس کے
درمیان تم آٹھ فٹ اونچی باڑ لگا دو کیونکہ میں اس کا گھر تو دور کی بات ہے
اس کی شکل بھی نہیں دیکھنا چاہتا اور دیکھو مجھے یہ کام جلد از جلد مکمل کر
کے دو جس کی میں تمہیں منہ مانگی اجرت دوں گا۔ترکھان نے سر ہلاتے ہوئے کہا
کہ مجھے پہلے آپ وہ جگہ دکھائیں جہاں سے میں نے باڑھ کو شروع کرنا ہے تاکہ
ہم پیمائش کے مطابق ساتھ والے قصبہ سے ضرورت کے مطابق مطلوبہ سامان لا
سکیں.موقع دیکھنے کے بعد ترکھان اور بڑا بھائی ساتھ واقع ایک بڑے قصبہ میں
گئے اور تین چار متعلقہ مزدوروں کے علا وہ ایک بڑی پک اپ پر ضرورت کا تمام
سامان لے کر آ گئے ترکھان نے اسے کہا کہ اب آپ آرام کریں اور اپنا کام ہم
پر چھوڑ دیں ···ترکھان اپنے مزدوروں اور کاریگروں سمیت سارا دن اور ساری
رات کام کرتا رہا۔صبح جب بڑے بھائی کی آنکھ کھلی تو یہ دیکھ کر اس کا منہ
لٹک گیا کہ وہاں آٹھ فٹ تو کجا ایک انچ اونچی باڑھ نام کی بھی کوئی چیز
نہیں تھی،وہ قریب پہنچا تو یہ دیکھ کر اس کی آنکھیں پھٹی کی پھٹی رہ گئیں
کہ وہاں ایک بہترین پل بنا ہوا تھا جہاں اسکے چھوٹے بھائی نے گہری کھائی
کھود دی تھی.جونہی وہ اس پل پر پہنچا تو اس نے دیکھا کہ پل کی دوسری طرف اس
کا چھوٹا بھائی اسکی طرف دیکھ رہا تھا چند لمحے وہ خاموشی سے کھڑا کبھی
کھائی اور کبھی اس پر بنے ہوئے پل کو دیکھتا رہا اور پھر اس کے چہرے پر ایک
ہلکی سی مسکراہٹ ابھری چند سیکنڈ بعد دونوں بھائی آہستہ آہستہ قدم اٹھاتے
پل کے درمیان آمنے سامنے کھڑے ایک دوسرے کو دیکھنے لگے اور پھر دونوں
بھائیوں نے آنکھوں میں آنسو بھرتے ہوئے ایک دوسرے کو پوری شدت سے گلے لگاتے
ہیں۔۔دیکھتے ہی دیکھتے دونوں بھائیوں کے بیوی بچے بھی اپنے گھروں سے نکل کر
بھاگتے اور شور مچاتے ہوئے پل پر اکٹھے ہو گئے اور دور کھڑا ہوا ترکھان یہ
منظر دیکھ دیکھ کر مسکرا رہا تھا.بڑے بھائی کی نظر جونہی ترکھان کی طرف
اٹھی جو اپنے اوزار پکڑے جانے کی تیاری کر رہا تھا تو وہ بھاگ کر اس کے پاس
پہنچا اورکہا کہ وہ کچھ دن ہمارے پاس ٹھہر جائے لیکن ترکھان یہ کہہ کر چل
دیا کہ اسے ابھی اور بہت سے”پُل“ بنانے ہیں۔یہ ایک سبق آموز تحریر جس اس
معاشرے میں بہت ضرورت ہے، دُنیا کی نفسانفسی نے رشتے چھین لیے، دولت اور
اسٹیٹس کے چکر میں اپنے پیاروں سے دور ہو گئے۔ میں امید کرتا ہوں اس تحریر
کو پڑھنے کے بعد کوشش کریں گے کہ اپنے رشتوں کو نزدیک کرنے میں کامیاب ہو
جائیں، ان رشتوں ہی سے تو زندگی میں رونق ہے، کھیت میں کھڑا اکیلا درخت بھی
اداس لگتا ہے۔ اللہ تعالیٰ ہم سب پر مہربانی فرمائے اور لوگوں کے درمیان پل
بنائیں دیواریں نہ بنائیں اور رشتوں کو نبھانے کی توفیق دے آمین۔
|