|
ملک کیوں نہ چھوڑیں۔۔
ملک میں اب باقی کیا رہ گیا ؟
ناقص تعلیم ، صحت ،غربت ، اور بے روز گاری جیسے مسائل میں گھرے ہوئے ملک
میں رہنا اب کہا ں کی عقلمندی ہے ، ایسے معلوم ہوتا ہے کہ ملکی سیاستدانوں
اور انتظامیہ کو عوام اور ملکی مسائل میں کوئی دلچسپی نہیں۔۔ جس کو دیکھو
وہ اپنی ہی کہانیاں سنا رہا ہے ، ملک کی اس حالت کا زمہ دار کون ہے ۔ اور
اگر ہم سوال پوچھنا بھی چاہیں تو کون ہے جو ان کا جواب دے گا ۔ آواز اٹھانے
پر ہمیں کچھ اور نئی کہانیاں اور پھر سبز باغ دکھائے جائیں گے ، جھوٹے وعدے
کیے جائیں گے اور عوام کے لیے صرف تسلیاں ہی باقی رہ جائیں گی ۔ یہ کہتے
ہوّے شرمندگی کا سامنہ ہے کہ ہم ایک ایسے ملک کے باشندے ہیں جو اس ملک کے
اقتدار یافتہ لوگوں کی ناانصافیوں تلے اپنی زندگیاں گزار رہے ہیں ۔ ملکی
حالات تو یوں ہیں کہ اب یہاں حق پر آواز اٹھانہ بھی کسی جرم سے کم نہ تصور
کیا جا تا ہے ۔
|