ذرا سوچئے

تعلیم کا تو اﷲ ہی حافظ ہے ، جس نے بھی آواز اٹھائی اپنے ہی مفاد حاصل کئے ،بہتی گنگا میں نام نہاد ’’قاضی و علامہ ‘‘نے بھی دھو لئے ۔یہ کہانی ہے گورنمنٹ گرلز بوائز سیکنڈرینیو ہیپی گارڈن اسکول کی ہے جو دور نہیں کراچی کے علاقے اورنگی ٹاؤن بسم اﷲ کالونی میں قائم ہے ، اب پڑھئے ایک خبر جو اس اسکول کے ’’علامہ ‘‘کے ہیڈ ماسٹر کے سیاہ کارتوتوں پر مشتمل ہے ۔’’ریفارم سپورٹ فنڈ میں سال 2010-11میں 6لاکھ 45ہزار کی مبینہ کرپشن کی گئی ۔گورنمنٹ بوائر لوئر سکنڈری اسکول نیو ہیپی گارڈن بسم اﷲ کالونی کے ہیڈ ماسٹر کی جانب سے گورنمنٹ آف سندھ کے ایجوکیشن اینڈ لٹریسی پر وگرام کے تحت سالانہ بچیوں کیلئے آنے والے فنڈ کی لسٹوں میں تعداد کی زیادتی کی وجہ سے سالانہ لاکھوں روپوں کی کرپشن کی جارہی ہے ۔25سو رپے فی طالبہ آرایس یو فنڈ ملنے کے باوجود بھی طالبات کو 1500سے 1800فراہم کیا جاتا ہے تاہم بہت ساری طالبات کو محکمہ سے لے کر اس سے محروم رکھا جاتا تھا ۔تفصیلات کے مطابق اورنگی ٹاؤن کے علاقے بسم اﷲ کالونی میں واقع گورنمنٹ بوائزلوئر سیکنڈری اسکول میں سالانہ لاکھوں کی مبینہ کرپشن کی جارہی تھی گورنمنٹ آف سندھ کے ایجوکیشن اینڈ لیٹر یسی پروگرام کے تحت طالبات کو سالانہ 2500روپے کی اسکالر شپ فراہم کی جاتی ہے طالبات اور خواتین میں تعلیمی شعور بیدار کرنے کے لیے گورنمنٹ آف سندھ اور ولڈبینک کے اشتراک سے شروع کیے جانے والے اس پروگرام کے تحت سالانہ ہر طالبہ کو 2500فراہم کئے تھے تاہم مذکورہ اسکول کے ہیڈ ماسٹر قاضی احمد نوارنی ہرسال اس پروگرام کے تحت اپنے اسکول کی طالبہ کی انرولمنٹ بھیجتے وقت اسے زیادہ تعداد میں لکھتے تھے، آر ایس یو ( ریفارم سپورٹ یونٹ) کو 2010-11کی طالبات کی انرولمنٹ 646بتائی گئی ،جبکہ 2010-11میں اسکول میں طالبات کی صحیح تعداد 387تھی ۔آر ایس یوکی کی طرف سے پوسٹ آفس کے ذریعے دی جانے والی یہ رقم چھان بین کے بعد 507طالبات کو 12لاکھ 67ہزار روپے فراہم کی گئی ۔سال 2010-11میں چھٹی کلاس کی تعداد 134بتائی گئی جبکہ صحیح تعداد 95،آٹھویں کلاس 127جبکہ صحیح تعداد 101،نویں کلاس 129جبکہ صحیح تعداد 122،دسویں کلاس 122،جبکہ صحیح تعداد 88تھی ۔اور یوں صرف ایک سال میں 6لاکھ 45ہزار کی اضافی رقم لے کر کرپشن کی گئی ذرائع کے مطابق ہیڈ ماسٹر کی طرف سے ریفارم سپورٹ یونٹ ،اور گورنمنٹ سندھ کے ایجوکیشنل ڈیپارٹمنٹ واقع سوکس سینٹر کو فراہم کی جانے والی طالبات کی صحیح تعداد سے 2گناہ زیادہ بتائی جاتی ہے سال 2012-13میں طالبات کی صحیح انرولمنٹ 449جبکہ گورنمنٹ سندھ ایجوکیشنل ڈیپارنمنٹ واقع سوکس سینٹر میں اس سال کی تعداد 687ظاہر کی گئی ہے۔ورنگی ٹاؤن کے علاقے بسم اﷲ کالونی میں قائم گورنمنٹ بوائز لوئر سیکنڈری اسکول کا سرکاری فرنیچرودیگر سامان نجی پرائیوریٹ اسکول استعمال کیا جارہا ہے جبکہ گذشتہ 5برس سے 2اسکول ٹیچرسمیت4ملازم نہیں آرہے ۔ تفصیلات کے مطابق اورنگی ٹاؤن کے علاقے بسم اﷲ کالونی میں قائم گورنمنٹ بوائز سیکنڈری اسکول کے اساتذہ کی طرف سے دی جانے والی متعدد درخواستوں میں اس بات کی بار ہا مرتبہ گزارش کی گئی ہے کہ اسکول میں گزشتہ5برس سے اسٹاف (اساتذہ اور ودیگر)کے بعض افراد چھٹی لیے بغیرمسلسل غیر حاضر ہیں جن میں 2اسکول ٹیچرگریڈ 17اور 14اور 1کلر ک اور چوکیدار شامل ہیں۔ تاہم ان کی تنخواہیں ہر ماہ بدستور آرہی ہیں ۔ذرائع کے مطابق یہ غیرحاضر اسٹاف دیگر جگہیوں پر بھی نوکری کر رہے ہیں۔اور ان میں سے بعض اپنا پرائیوریٹ اسکول بھی چلا رہے ہیں۔ سیکنڈری اسکول میں عربی استاد کی پوسٹ پر تعینات رفیق احمد ،گریڈ 17نے اپنا ایک پرائیوریٹ اسکول قائم کر رکھا ہے ۔جسکی وجہ سے وہ گذشتہ کئی برس سے اسکول نہیں آئے۔ ہیڈ ماسٹر سے ملی بھگت کی وجہ سے انہیں مسلسل تنخواہ دی جارہی ہے اور ہر ماہ کے آخر میں مسٹر رول (رجسٹرڈ حاضری) پر وہ خود صبح میں آکر حاضری لگا دیتے ہیں ذرائع کے مطابق گریڈ 17کے رفیق احمد عنقریب ریٹارئر بھی ہونے والے ہیں ۔