گاؤں
(Ghufran ul Haque, Karachi)
آج سے نصف صدی پہلے کی بات ہے
ایک چھوٹا سا گاؤں تھا۔۔۔۔۔۔۔ گاؤں کے لوگ غریب ضرور تھے مگر اخلاقی اور
شعوری لحاظ سے بلند تھے۔۔۔۔۔۔۔۔۔ پورے گاؤں میں ایک بہت ہی ذہین شخص تھا۔۔۔۔۔
اس کی ذہانت کی وجہ سے پورا گاؤں اس کی عزت کرتا تھا۔۔۔۔۔۔۔۔ گاؤں کے لوگ
اس کے مشورے کے بغیر کوئی بھی کام نہیں کرتے تھے۔۔۔۔۔۔ اور وہ نیک شخص ہر
وقت لوگوں کی مدد کے لیے تیار رہتا تھا۔۔۔۔۔۔۔ اسی گاؤں میں ایک اور شخص
بھی رہتا تھا جو اپنی طا قت کی وجہ جانا جاتا تھا۔۔۔۔۔۔۔ اس کے طاقت ور
ہونے کی وجہ سے کوئی باہر کا آدمی گاُوں والوں کو پریشان نہیں کرتا تھا۔۔۔۔۔۔۔۔
اسی وجہ سے گاؤں کے لوگوں کی زندگی بڑے ہی سکون میں گزر رہی تھی۔۔۔۔۔۔ گاؤں
میں غربت تو نظر آتی تھی مگر نظام زندگی سہل چل رہا تھا ۔۔۔۔۔ جس سے انداذہ
ہوتا تھا کہ مستقبل میں یہ گاؤں خوشحال بن جائے گا ۔۔۔۔۔۔ مگر اس گاؤں کی
بدنصیبی اس وقت شروع ہوئی جب ایک دن وہ ذہین شخص بیمار ہوگیا۔۔۔۔۔۔ لاکھ
علاج کے باوجود وہ صحت یاب نہ ہوسکا اور کچھ ہی دنوں میں اس دنیا سے رخصت
ہوگیا۔۔۔۔۔۔۔۔۔۔ابھی گاؤں کے لوگ اس غم کو بھلا بھی نہیں پائے تھے کہ کچھ
لوگوں نے اس ذہین شخص کی جگہ لینے کی کوشش شروع کردی۔۔۔۔۔۔۔ مگر سب جانتے
تھے اس جیسا ذہین شخص پورے گاؤں میں کوئی اور نہیں ہے۔۔۔۔۔۔۔۔۔ اس صورت حال
کو دیکھتے ہوئے اس طاقتور شخص نے اپنی طاقت کے بل بوتے پر گاؤں کا تمام
انتظام خود سنبھال لیا ۔۔۔۔۔۔۔۔۔ کیونکہ وہ جانتا تھا کہ ایک بار یہ نا
سمجھ دیہاتی اس گاؤں کا انتظام سنبھال لیں گے تو کچھ ہی عرصے میں یہ گاؤں
خالی ہوجائے گا یا پھر دشمن اس پر قبصہ کرلے گا۔۔۔۔۔۔۔۔ اب اس طاقتور کی
حکومت تھی ۔۔۔۔۔۔۔ گاؤں میں پوری طرح امن قائم تھا۔۔۔۔۔۔۔۔۔ کیونکہ وہ ایک
سخت گیر آدمی تھا اس لیے گاؤں کے لوگ اس سے کتراتے تھے اور نہ ہی اس سے
کوئی مشورہ کرتے تھے۔۔۔۔۔۔۔۔۔ مگر انصاف ہر شخص کو مل رہا تھا ۔۔۔۔۔۔۔۔۔
گاؤں کے لوگوں اور اس طاقتور شخص کے درمیاں جو فاصلہ تھا اس بات کو محسوس
کرتے ہوئے اس نے گاؤں کے لوگوں کو جمع کیا اور کہا کہ میں جانتا ہوں کہ آپ
ایک ایسے شخص کو گاؤں کا سردار بنانا چاہتے ہیں جو عقل وشعور میں اپنی مثال
آپ ہو مگر افسوس ہے کہ اب اس گاؤں میں ایسا کوئی بھی نہیں ہے ۔۔۔۔۔۔۔۔۔۔
مگر آپ لوگوں کی خواہش کو دیکھتے ہوئے میں اجازت دیتا ہوں کے آپ لوگ اپنے
درمیان میں سے کوئی بھی قابل بھروسہ شخص کو اپنا سردار بنا لیں وہ شخص اس
گاؤں کی تمام ذمہ داریاں سنبھالے گا اور میں حفاظت کی ذمہ داری سنبھالوں گا
۔۔۔۔۔۔۔۔۔۔ ہم دونوں ایک دوسرے کے کام میں دخل اندازی نہیں کریں گے۔۔۔۔۔۔۔۔۔۔
گاؤں میں تو جیسے میلہ لگ گیا ۔۔۔۔۔۔ ہر شخص نے اپنے آپ کو عقل مند کہلانے
کے لیے عجیب و غریب حرکتیں شروع کردیں ۔۔۔۔۔۔ ہر شخص عقل مند دکھنا چاہتا
تھا ۔۔۔۔۔۔۔۔۔۔ تاکہ گاؤں کے لوگ اسے اپنا سردار مان لیں مگر معاملہ الجھتا
ہی گیا ۔۔۔۔۔۔۔اور کوئی بھی شخص سردار بنے کے اہل ثابت نہ ہوُا۔۔۔۔۔۔۔۔۔
آخر کار گاؤں کے بڑوں نے فیصلہ کیا کے جو شخص سب سے زیادہ اناج گاؤں کے
لوگوں کے لیے لائے گا اسے گاؤں کا سردار مان لیا جاُے گا ۔۔۔۔۔۔۔۔۔۔۔ آخر
کار ایک شخص نے سب سے زیادہ اناج دے کر اپنے آپ کو ذہین ثابت کردیا۔ اور
پھر اسے سردار بنا دیا گیا۔۔۔۔۔
طاقت ور آدمی یہ سب تماشہ دیکھ رہا تھا اور وہ جان گیا تھا کہ اب اس پر
پہلے سے زیادہ ذمہ داری آگئی ہے۔۔۔۔۔۔۔۔ نئے سردار کی تو جیسے لاٹری کھل
گئی تھی۔۔۔۔۔۔ شروع شروع میں تو وہ گاؤں کے گھروں میں جاتا اور ان کے
مساُئل سنتا اور چلا جاتا- کسی بھی مسئلے کا حل تو اس کے پاس نہیں
تھا۔۔۔۔۔۔۔ اس بات کو دیکھتے ہوے اس کے دوستوں نے مشورہ دیا کہ سبھی لوگوں
کے مسئلے سنو گے تو مسئلوں کا انبار لگ جاُئے گا۔۔۔۔۔۔ یہ گھر گھر جانے کے
چکر میں مت پڑو صرف ضروری مسائل کو حل کرو۔۔۔۔۔۔۔۔ گاؤں کے بچوں کی تعلیم
کا حل نکالو کسانوں کی فصلوں کو شہر میں بیچنے کا مسئلہ حل کرو۔۔۔۔۔۔۔۔
فصلوں کو خود شہر جاکر بیچو اور اپنا حصہ نکال کر باقی کسانوں کو دے
دو۔۔۔۔۔۔۔۔ اس طرح تم کو بھی فائدہ ہو گا۔۔۔۔۔۔۔۔ بچوں کی تعلیم اس کے لیے
ایک بڑا مسئلہ تھا۔۔۔۔۔۔۔۔۔ گاؤں میں ایسا کوئی آدمی نہیں تھا جو بچوں کو
تعلیم دے سکے۔۔۔۔۔۔۔۔ سوچ سوچ کر آخر کار اس مسئلے کا حل اسے مل ہی
گیا۔۔۔۔۔۔۔۔ خوشی کے مارے اس نے گاؤں کے لوگوں کو اپنی بیٹھک میں جمع کیا
اور کہا میں آپ کا سردار اس بات پر بہت پریشان رہتا ہوں کہ ہمارے بچے تعلیم
سے محروم ہیں مگر اب ہمارے بچے پڑھیں گے اور گاؤں کا نام روشن کریں
گے۔۔۔۔۔۔۔۔۔۔
چاچا کرمو ان بچوں کو پڑھائیں گے۔۔۔۔۔۔۔۔ چاچا کرمو سردار میں کیسے پڑھاؤں
گا میں استاد نہیں ایک دکاندار ہوں۔۔۔۔۔۔۔۔۔۔ سردار میں جانتا ہوں تمہارا
حساب بہت اچھا ہے کون سی چیز کتنے کی ہے اور کتنے میں بیچنی ہے تم سے اچھا
کوئی نہیں جانتا۔۔۔۔۔۔۔۔۔۔ آخر فیصلہ ہو گیا کہ چاچا کرمو بچوں کو پڑھائیں
گے۔۔۔۔۔۔۔۔۔ سردار نے دوسرا فیصلہ سنایا کے اب کوئی کسان شہر جاکر فصل نہیں
بیچے گا۔۔۔۔۔۔۔۔۔ ہم خود لے کر جاُئیں گے اور بیچ کر اس کی رقم کسان کو دے
دیں گے۔۔۔۔۔۔۔ اس طرح کسان کے آنے جانے کا خرچہ بچے گا۔۔۔۔۔۔۔۔۔۔۔ اس حکم
کے بعد یہ پنچائت ختم کردی گئی ۔۔۔۔۔۔۔۔۔۔
چاچا کرمو بچوں آج سے میں آپ کو پڑھاؤں گا مگر ایک بات کان کھول کر سن لو
کوئی بھی بچہ سوال نہیں کرے گا۔ جو میں پڑھاؤں اسے سمجھے اور یاد
رکھے۔۔۔۔۔۔۔۔۔۔۔ بچوں پانچ کلو آٹے میں سے تین کلو آٹا نکال لیا جائے تو دو
کلو آٹا بچے گا۔۔۔۔۔۔۔ یاد رکھنا دو کلو آٹا اس کا جواب ہے۔۔۔۔۔۔۔۔۔۔
دوسری طرف سردار گاؤں کے کسانوں کی فصلیں شہر لے کر جاتا اور بیچنے کے بعد
کچھ منافع اپنے پاس رکھ لیتا باقی کسانوں میں تقسیم کر دیتا۔۔۔۔۔۔۔۔۔۔۔۔۔۔۔
کچھ ہی عرصہ میں گاؤں کے لوگوں کو انداذہ ہو گیا کے ان کے مسائل کم نہی
بلکہ بڑھتے ہی جا رہے ہیں۔۔۔۔۔۔۔۔۔۔۔ فصلوں میں منا فع بھی کم ہو گیا
ہے۔۔۔۔۔۔۔ بچوں کو اشیاء کی قیمتیں تو یاد ہو گئیں ہیں مگر حساب کتاب ابھی
تک نہیں آیا۔۔۔۔۔۔۔آہستہ آہستہ گاؤں والوں نے سردار کے خلاف آواز بلند کرنا
شروع کردی اور ایک دن سب نے مل کر سردار کو عہدے سے ہٹا کر ایک عمر رسیدہ
آدمی کو سردار بنا دیا شا ید یہ گاؤں کی حالت بدل دے۔۔۔۔۔۔۔۔۔۔۔عمر رسیدہ
کیا لوگوں کی حالت بدلتا وہ تو سارا دن آرام کرتا اور شام کو پنچائت میں
بیٹھ کر حقہ پیتا۔۔۔۔۔۔۔۔۔۔۔ گاؤں کی حالت روز بروز خراب ہوتی جارہی
تھی۔۔۔۔۔۔۔۔۔۔۔۔ اس صورت حال کو دیکھ کر ایک شخص جس کے خاندان کے لوگ گاؤں
کے مختلف حصوں میں رہتے تھے۔ اس نے اپنے خاندان کے تمام لوگوں کو ایک ساتھ
رہنے کا مشورہ دیا اور مشکل وقت میں ایک دوسرے کی مدد کی تلقین کی جس کی
وجہ سے تھوڑا بہت سکون ان کی زندگی میں تھا۔۔۔۔۔۔۔۔۔۔ اب تو گاؤں میں بہت
سے گروپس بن گُئے تھے اور ہر شخص چاہتا تھا کہ گاؤں کا سرداراسےبنا دیا
جائے ۔۔۔۔۔۔۔۔ آُئے دن جھگڑے، لڑائی ہونے لگیں۔۔۔۔۔۔۔۔۔۔۔۔ نفرتیں عروج پر
پہنچ گئی ۔۔۔۔۔۔۔۔۔۔۔ ہر شخص اپنے چھوٹے چھوٹے علاقوں کا سردار بن
گیا۔۔۔۔۔۔۔۔۔۔ ایک ہی گاؤں میں بہت سے سردار بن گئے جس کی وجہ سے نہ گاؤں
میں تعلیم رہی اور نہ زندگی کی دوسری سہولتیں- ایسی صورت حال میں گاؤں کے
لوگ اس طاقت ور شخص کو یاد کرتے اور دعا مانگتے کہ وہ ہی ہمیشہ کے لیے اس
گاؤں کا سردار بن جائے۔۔۔۔۔۔۔۔ |
|