دنیا کی چند دلچسپ عمارات اور تعمیرات

دنیا بھر میں آپ کو تمام سائز اور تمام اشکال کی عمارات دکھائی دیں گی- لیکن بہت کم عمارات ایسی ہیں جن کو دیکھتے ہی نظر ان پر ٹھہر جاتی ہے- یہ عمارات اور تعمیرات اپنے دلچسپ اور منفرد اسٹرکچر یا اردگرد کے حیران کن ماحول کے باعث دنیا بھر کے لوگوں کی توجہ کا مرکز بنی ہوئی ہیں- ان خوبصورت عمارات کو دیکھ کر ان کو تعمیر کرنے والے ماہر تعمیرات کے فن کا بخوبی اندازہ لگایا جاسکتا ہے-
 

The Seashell House
یہ دلکش گھر میکسیکو کے جزیرے Mujeres پر واقع ہے- اس جزیرے کا شمار کیریبین سمندر کے سب سے خوبصورت جزائر میں ہوتا ہے- یہ گھر دیکھنے میں کسی ڈزنی فلم کا حصہ معلوم ہوتا ہے اور اس کی خوبصورتی کسی کو بھی اپنی جانب متوجہ کرسکتی ہیں-

Nakagin Capsule Tower
یہ ٹاور جاپان کے شہر ٹوکیو میں تعمیر کیا گیا ہے- ان اپارٹمنٹس میں رہائش انتہائی آرام دہ دلچسپ اور ایک منفرد تجربہ ثابت ہوتی ہے- اپارٹمنٹ میں نصب کھڑکیاں آپ کو اس بات کا احساس دلاتی ہیں جیسے کہ آپ کسی واشنگ مشین میں رہائش اختیار کیے ہوئے ہیں-

Ski Lift
دیکھنے میں یہ ایک چئیر لفٹ ہیں لیکن درحقیقت یہ فرانسیسی چوٹیوں کی سینکڑوں فٹ کی بلندی پر تعمیر ایک خوبصورت کمرہ ہے جہاں آپ ایک رات گزار سکتے ہیں- یہ کمرہ فرانس کی Rhône نامی چوٹیوں پر بنایا گیا ہے- یہاں سے نیچے دیکھنے کوشش مت کیجیے گا اور نہ ہی باتھ روم کے بارے میں سوال کیجیے گا-

Teepee Cottage
یہ خوبصورت کاٹیج آئس لینڈ کے معروف ترین سیاحتی مقام The Great Geysir میں تعمیر کیا گیا ہے- اس کاٹیج کے اردگرد کا ماحول انتہائی سحر انگیز ہے- آس پاس موجود آئس لینڈ کی پہاڑیاں اور عظیم geysers کا نظارہ سیاحوں کی توجہ کا مرکز بنا رہتا ہے-

House Boat
یہ پرتعیش اپارٹمنٹ نہ صرف ایک کشتی کی طرح نظر آتا ہے بلکہ اس میں ٹھہرنا کسی کشتی میں سفر کرنا جیسا ہی محسوس ہوتا ہے- یہ اپارٹمنٹ امریکہ کے علاقے Marina del Rey میں موجود سمندری ساحل سے چند قدم کی دوری پر ہی تعمیر کیا گیا ہے-

ElquiDomos Astronomic Hotel
یہ عجیب و غریب اسٹرکچر کا حامل ہوٹل چلی کے علاقے Paiguano میں واقع ہے- یہ دنیا کے چند astronomic ہوٹلوں میں سے ایک ہے- شہروں میں آلودگی کے باعث آسمان پر موجود چمکتے ہوئے ستاروں کا نظارہ ممکن نہیں لیکن اس مقام پر آپ وہ نظارے ہوٹل کے کمرے میں موجود بستر پر لیٹے لیٹے کر سکتے ہیں-

Iglu Village
اگر اس مقام پر رات گزارنے کا ارادہ رکھتے ہیں تو آپ کو چاہیے کہ سلیپنگ بیگ کے ساتھ ساتھ چند کمبل بھی ضرور رکھیں- یہ سرد ترین مقام آسٹریا کے علاقے Kühtai میں واقع ہے- یہ دلچسپ گاؤں سطح سمندر سے 6500 فٹ کی بلندی پر ہے-