آکلینڈ میں سیریز کے پہلے ٹی ٹوئنٹی میچ کے آغاز کے ساتھ پاکستان نے ٹاس جیت کر پہلے بیٹنگ کا فیصلہ لیا، تاہم پاکستان کی بیٹنگ اب مشکلات کا شکار ہوتے نظر آ رہی ہے۔
میچ کی ابتدائی صورتحال کچھ یوں رہی کہ قومی کرکٹ ٹیم کے ابتدائی 4 کھلاڑی 20 رنز بنا کر پویلین لوٹ گئے، پاکستانی ٹیم کا 9 اوورز میں رنز اسکور 42 رہا جبکہ 5 وکٹوں کا نقصان ہوا۔
پاکستان کی جانب سے اننگز کا آغاز عبداللہ شفیق اور محمد رضوان نے کیا، 8 رنز کے مجموعی اسکور پر عبداللہ بنا کوئی رنز بنائے ہی کیویز ٹیم میں ٹی ٹوئنٹی میچ سے کیرئر کا آغاز کرنے والے باؤلر 'ڈفی' کی پہلی وکٹ بن گئے۔
صرف 20 رنز بنا کر ہی قومی کرکٹ ٹیم کی دوسری، تیسری اور چوتھی وکٹیں ڈھیر ہو گئیں،جس میں محمد رضوان نے 17 حیدر علی نے 3 اور کرکٹ ٹیم میں پروفیسر کے نام سے مشہور حفیظ بِنا کوئی رن بنائے ہی آؤٹ ہو کر پویلین لوٹ آئے، تاہم پاکستان نے تین میچوں پر مشتمل سیریز کے پہلے مقابلے میں نیوزی لینڈ کو 154 رنز کا ہدف دیا۔
میچ کے آغاز پر ٹاس جیت کر بیٹنگ کا فیصلہ لینے پر پاکستان کے کپتان شاداب خان کا کہنا تھا کہ 'پچ بہت اچھی لگ رہی ہے، اس لئے پہلے بیٹنگ کریں گے، ہم نے بہت اچھی تیاری کی ہے، یہ پرفارمنس دِکھانے کا وقت ہے'۔
یاد رہے کہ پاکستان اور نیوزی لینڈ کے درمیان آج سریز کے پہلے ٹی ٹوئنٹی کا ٹاکرا جاری ہے میچ آکلینڈ میں کھیلا جا رہا ہے۔