مارننگ شو کی مشہور میزبان، اداکارہ اور ہدایت کارہ ندا یاسر نے اپنی مرحومہ والدہ کے لیے سوشل میڈیا پر جذباتی پیغام جاری کیا ہے۔
سوشل میڈیا سائٹ انسٹاگرام پر ندا یاسر نے اپنی والدہ کی چند یادگار تصاویر شیئر کیں جن میں پہلی تصویر اُن کی والدہ کی گریجویشن کی تقریب کی ہے جبکہ ایک تصویر میں ندا یاسر اور اُن کی بہن سویرا پاشا کو اپنی مرحومہ والدہ کے ساتھ دیکھا جا سکتا ہے۔
ندا یاسر نے تصویریں شیئر کرتے ہوئے کیپشن میں لکھا کہ پل پل یاد آئے گی میری ماں، دوسروں کے کام آنے والی میری ماں۔
سب سے زیادہ پسند کی جانے والی مارننگ شو کی میزبان ندا یاسر کی والدہ کے انتقال پر ان کے مداحوں کو بہت دکھ ہے۔
اُنہوں نے اپنی والدہ کے لیے دُعا کرتے ہوئے لکھا کہ ’اللّہ تعالیٰ میری والدہ کو جنت الفردوس میں اعلیٰ مقام عطا کرے آمین۔
خیال رہے کہ چند روز قبل ہی ندا یاسر کی والدہ فانی دنیا سے رخصت ہوئیں۔