بالی ووڈ انڈسٹری کی معروف جوڑی اداکارہ کرینہ کپور خان اور سیف علی خان کے ہاں 21 فروری کی صبح دوسرے بیٹے کی پیدائش ہوئی۔

اداکارہ نے پہلی مرتبہ اپنے دوسرے بیٹے کے ساتھ تصویر شئیر کی ہے۔

فوٹو اور ویڈیو شئیرنگ ایپ انسٹاگرام پر کچھ دیر قبل کرینہ کپور نے اپنے بیٹے کے ساتھ تصویر شئیر کی، تصویر میں دیکھا جا سکتا ہے کہ اداکارہ کا بیٹا ان کی گود میں ہے، تاہم بچے کی شکل نہیں دکھائی گئی۔

کرینہ کپور نے تصویر کے کیپشن میں لکھا کہ ''ایسا کچھ بھی نہیں، جو خواتین نہ کر سکیں۔ سب کو عورتوں کا عالمی دن مبارک ہو''۔

واضح رہے آج دنیا بھر میں عورتوں کا عالمی دن منایا جا رہا ہے جس کے موقع پر اداکارہ نے اپ نے بیٹے کے ساتھ تصویر شئیر کی جبکہ بچے کا نام ابھی تک نہیں بتایا گیا۔

٭ اِس حوالے سے آپ کی کیا رائے ہے؟ ہمیں ضرور آگاہ کریں، ہماری ویب کے فیسبک پیج پر کمنٹ کر کے بتائیں۔