گزشتہ روز پاکستانی شوبز انڈسٹری کی مقبول اداکارہ سوہائے علی ابڑو شادی کے بندھن میں بندھیں جن کی تصاویر سوشل میڈیا پر بہت وائرل ہو رہی ہیں۔
معروف اداکارہ سوہائے علی ابڑو کے شوہر شہزر پاکستان کے سابق کرکٹر شعیب محمد کے بیٹے اور سابق مرحوم کپتان حنیف محمد کے پوتے ہیں۔
شہزر محمد خود بھی فرسٹ کلاس کرکٹر ہیں اور مستقبل میں قومی کرکٹ ٹیم میں کھیلنے کے خواہش مند بھی ہیں۔
اس کے علاوہ شہزر محمد جم میں بطور ٹرینر بھی اپنے فرائض سر انجام دے رہے ہیں۔
سوہائے اور شہزر کی شادی کی تقریب کے موقع پر شوبز فنکاروں سمیت کھیلوں کی دیگر اہم شخصیات نے شرکت کی اور جوڑے کو مبارک باد دی اور نیک خواہشات کا اظہار کیا۔
سوشل میڈیا پر اداکارہ کی شادی کی تصاویر اور ویڈیوز شیئر کی جارہی ہیں جنہیں مداح خوب پسند کر رہے ہیں۔