سپر اسٹار ہمایوں سعید کو ناصرف پاکستان میں پسند کیا جاتا ہے بلکہ ان کے چاہنے والے پڑوسی ملک بھارت میں بھی موجود ہیں۔
جس کا اندازہ سوشل میڈیا پر وائرل ہونے والے ایک ٹوئٹ سے لگایا جا سکتا ہے۔
تفصیلات کے مطابق ہمایوں سعید کو بھارتی لڑکی کی جانب سے شادی کی پیشکش کی گئی ہے۔ ٹوئٹر صارف نے جاری پیغام میں لکھا کہ ڈیئر ہمایوں سعید کیا آپ مجھ سے شادی کریں گے؟ میں جانتی ہوں کہ آپ شادی شدہ ہیں لیکن اِس دل کا کیا کروں؟
صارف کا مزید کہنا تھا کہ میں بھارت سے ہوں اور میں آپ کو شدت سے چاہتی ہوں، میں آپ سے 24 سال چھوٹی ہوں۔ صارف نے مزید لکھا کہ پلیز مجھے بتائیں کہ اس جنم میں تو یہ ممکن نہیں لیکن کیا آپ مجھ سے اگلے جنم میں شادی کریں گے؟
تاہم اداکار نے اس بات کا جواب دیتے ہوئے کہا کہ مجھے پیار کرنے کا شکریہ، مگر شادی کے لیے ان شاء اللہ آپ کو مجھ سے بہتر لوگ مل جائیں گے۔
سوشل میڈیا صارفین کی جانب سے اداکار اور لڑکی کے ٹوئٹ پر مختلف تبصروں کا سلسلہ جاری ہے۔
٭ اِس حوالے سے آپ بھی اپنی قیمتی رائے سے ضرور آگاہ کریں، ہماری ویب کے فیسبک پیج پر کمنٹ کر کے بتائیں۔