امریکی ائیر لائن جو کہ ٹوکیو سے ڈیلاس جا رہی تھی اس دوران پرواز کو غیر معمولی حالات کا سامنا کرنا پڑا، جہاز میں موجود 26سالہ خاتون مسافر نے جہاز کے عملے سے شکایت کی کہ اس کا موبائل فون چارج نہیں ہورہا ہے جس پر عملے نے ان سے کہا کہ آپ کا چارجر خراب ہے جس کی وجہ سے یہ ٹھیک سے کام نہیں کر رہا ہے۔
لیکن انہوں نے عملے کی بات کو مسترد کر دیا اور اپنی نشست سے کھڑے ہو کر تلخ کلامی کرنے لگی اور غصے میں آکر کاک پٹ کی جانب بڑھی تو عملے نے انہیں روک لیا اور پھر جہاز کا عملہ اور خاتون آپس میں جھگڑنے لگے۔
صورتحال کو نہ سنمبھلتا دیکھ کر پائلٹ نے جہاز کا رخ موڑ دیا اور واشنگٹن کے سیتل ائیر پورٹ پر طیارے کو لینڈ کروا دیا جہاں ائیر پورٹ اور کسٹمز حکام نے خاتون کو گرفتار کر لیا۔
تفتیش کے دوران خاتون نے اپنی غلطی کا اعتراف کر تے ہوئے رہائی کی دہائیاں دیں لیکن انہیں رہا نہیں کیا گیا اور اب خاتون فیڈرل چارجز کا سامنا کر رہی ہیں۔