بھارت کے مشہورو معروف اداکار عرفان خان کے بڑے بیٹے بابیل خان نے کہا کہ ہے کہ انکا تعلق کسی مذہب نہیں ہے، اپنی آفیشل اسٹاگرام اکاؤنٹ پر انہوں نے ایک خصوصی سٹوری شئیر کی جس میں وہ ایک سوشل میڈیا صارف سے بات چیت کر رہے ہیں اسی بات چیت کے دوران صارف نے ان سے پوچھا کہ آپ مسلمان ہیں ؟ "تو جواب میں بابیل خان نے کہا کہ میں کسی مذہب پر یقین نہیں رکھتا اور میں صرف بابیل ہوں "۔
بابیل خان نے انسٹا گرام میں اسکرین شئیر کرتے ہوئے کیپشن میں لکھا کہ " میں تمام مذاہب کی مقدس کتابیں پڑھتا ہوں اور ان کتابوں میں میں قران ، بائبل،گیتا اور گوروگرانتھ صاحب شامل ہیں اور میں صرف ایک نہیں بلکہ تمام مذاہب کیلئے ہوں"۔
جبکہ انہوں نے سوالیہ انداز میں یہ بھی لکھا کہ " ہم سب عقائد کی بنیاد پر ایک دوسرے کی کس طرح مدد کر سکتے ہیں"۔
واضح رہے کہ بھارتی لیجندری اداکار عرفان خان 53 سال کی عمر میں کولون انفکشن کی وجہ سے 29 اپریل کو انتقال کر گئے تھے اور انکے سوگواران میں 2 بیٹے بابیل ، ایان اور ایک بیوہ بیوی شامل ہے۔