اداکارہ آمنہ الیاس کی وائرل ویڈیو میں دیکھا جاسکتا ہے کہ وہ ایک سیب کو اپنی ٹانگ سے مار کر گرانا چاہتی تھیں، لیکن چونکہ ان کا نشانہ پکا نہیں ہے، اس لئے سیب کو مارنے کی جگہ انہوں نے اس شخص کو لات مار دی جس پر سوشل میڈیا پر جگہ جگہ ان کو تنقید کا نشانہ بنایا جا رہا ہے۔ کیونکہ انہوں نے یہ ویڈیو خود ہی اپنے انٹساگرام اکاؤنٹ پر شیئر کی جس کے بعد لوگوں نے اس کو شیئر کرنا شروع کیا، جس سے یہ واضح ہو رہا ہے کہ اگر آپ کو ندامت ہے اپنے اس عمل پر تو آپ ہر گز یہ ویڈیو خؤد شیئر نہ کرتیں۔ لیکن چونکہ خود ہی شیئر کی گئی ہے اس لئے عوام کی جانب سے شدید تنقید کا نشانہ بن رہی ہیں۔
انہوں نے ویڈیو کے کیپشن میں لکھا کہ:
''
ٹھیک نشانے پر، اور نیچے لکھا ہے کہ اس حادثے میں کوئی زخمی نہیں ہوا، البتہ ویڈیو کو دیکھ کر ایسا لگتا ہے کہ کک ضرور اس لڑکے کو لگی ہے۔
''
ویڈیو پر کمنٹ کرتے ہوئے ایک فیس بُک صارف اطہر نے لکھا کہ:
''
یہ ہیں پاکستانی اداکارہ آمنہ الیاس جو فیمینیزم کی بہت بڑی علمبردار اور چیمپئن بنتی ہیں۔ اب اس ویڈیو کو الٹا دیکھیں سمجھے مرد عورت کی جگہ عورت مرد کی جگہ ۔ ۔ سوچیں پھر کیا ہوتا موم بتی مافیا کیا ٹرینڈ چلاتی اور ایک ہی دن میں گرفتاری ہوجاتی۔ ستم تو یہ ہے دوسری تصویر میں فیمینسٹ اداکارہ ہنس کر اس بیچارے نوجوان کا تمسخرا اڑا رہے ہیں ۔
''
انسٹاگرام پر لوگوں نے کمنٹ کرتے ہوئے لکھا کہ:
''
ایسی ہی ایک لات آدمی کی جگہ اس عورت کو لگ جاتی تو کیس فائل ہو جاتا، تو کسی نے لکھا کہ یہ کوئی پبلک اسٹنٹ نہیں اور نہ کوئی مزاق ہے، کسی نے کہا کہ ایسا لگتا ہے کہ یہ ویڈیو میں موجود شخص اس کا نوکر ہوگا جس کو اس نے چند روپے دے دیئے ہوں گے تاکہ معاملہ اگے نہ بڑھے۔
''