کراچی میں موجود عبداللہ شاہ غازی کا مزار جہاں لوگ اکثر اپنی دلی مرادیں لیکر آتے ہیں، کہا یہ جاتا ہے کہ یہاں سے ہر انسان کی مراد پوری ہو جاتی ہے۔ اور اب پاکستان کی مشہور شوبز شخصیات بھی اس مزار پر جانے لگیں ہیں۔
گزشتہ روز کی ایک ویڈیو منظرعام پر آئی ہے جس میں واضح طور پر دیکھا جا سکتا ہے کہ فلم چکر کی پوری کاسٹ عبداللہ شاہ غازی کے مزار پر پہنچی ہے۔ ان اداکاروں میں ندا یاسر، ان کے شوہر یاسر نواز اور احسن خان شامل تھے۔
انہوں نے مزار پر چادر چڑھائی اور فاتحہ خوانی کی۔ اس موقعے پر مزار پر موجود دیگر لوگوں کو انہیں اپنے درمیان پا کر انتہائی خوشی محسوس کی۔ یہی نہیں لوگوں نے ان مشہور اداکاروں کے ساتھ بے انتہا سیلفیاں بھی کھینچوائیں۔
واضح رہے کہ اس عید الفطر پر ان کی فلم چکر سینما گھروں میں ریلیز کیلئے پیش کی جائے گی۔ پوری فلم کاسٹ کے مزار پر آنے سے اندازہ ہوتا ہے کہ یہ اپنی نئی آنے والی فلم مکی کامیابی کیلئے دعائیں مانگنے گئے تھے۔