"بات امیری کی نہیں تھی بالکل بس اللہ تعالیٰ سے دل سے مانگنے اور ان کی رضا کی تھی۔ اللہ کی مرضی کے بغیر کچھ نہیں ہوتا یہ یاد رکھیں۔ دعاؤں میں یاد رکھیں اور ماشاءاللہ بھی کہیں کیوں کہ میں اللہ کی جانب سے ملنے والے اس تحفے پر بہت خوش ہوں اور اپنی خوشی کو سب کے ساتھ بانٹنا چاہتی ہوں"

واضح رہے کہ یشما رمضان کے مبارک مہینے میں عمرہ کی سعادت حاصل کررہی ہیں۔ چند دن پہلے انھوں نے انسٹاگرام اسٹوری پر لکھا کہ

" یہ ایک بہترین سفر ہے ہم اللہ کے گھر جارہے ہیں"

یشما گل کا دینی سفر

یشما گل کا دینی سفر کافی متاثر کن ہے۔ مسلمان ہونے کے باوجود ایک وقت یشما کی زندگی میں ایسا آیا جب ان کا ایمان کمزور پڑ گیا اور وہ ملحد ہوگئیں جس کے بعد ان کی ملاقات ایک لڑکی وردہ سے ہوئی جس نے یشما کا ایمان اللہ پر دوبارہ پکا ہونے میں مدد کی۔ یشما کا کہنا ہے کہ جب انسان نماز سے دور ہوجاتا ہے تو اس کا ایمان کمزور ہونے لگتا ہے ایسا ہی کچھ ان کے ساتھ ہوا۔ اب یشما دل سے اسلام قبول کرچکی ہیں۔