اپنی منفرد آواز اور گلوکاری سے شہرت پانے والے جسٹن بیبر نے حال ہی میں تمام کنسرٹس منسوخ کردیئے ہیں۔ مشہور گلوکار نے ایک ویڈیو بھی اپلوڈ کی جس میں انھوں نے مداحوں کو اپنی سنگین بیماری کے بارے میں آگاہ بھی کیا۔ ویڈیو دیکھیے
پلک جھپکنے کے قابل بھی نہیں ہوں
جسٹن بیبر کہتے ہیں "میں آپ سب سے بہت پیار کرتا ہوں اور کنسرٹس منسوخ کرنے کی وجہ یہ ہے کہ میں اپنی ایک پلک تک جھپکنے کے قابل نہیں ہوں کیونکہ میرے چہرے کا ایک حصہ فالج کا شکار ہوگیا ہے۔ مجھے نہیں معلوم کہ مجھے ٹھیک ہونے میں کتنا وقت لگے گا لیکن اس وقت میں بس آرام کرنا چاہتا ہوں تاکہ جلد صحت یاب ہو کر وہ کروں جو کرنے کے لئے میں پیدا ہوا تھا"
کونسی خطرناک بیماری میں مبتلا ہیں؟
گلوکار کا کہنا ہے کہ وہ رامسے ہنٹ سنڈروم میں مبتلا ہوگئے ہیں کو چہرے کو فالج زدہ کرنے اور اعصاب کو متاثر کرنے کا سبب بنتا ہے۔ جسٹن بیبر کے ویڈیو شئیر کرتے ہی دنیا بھر سے ان کے لئے نیک تمناؤں کا اظہار کیا جارہا ہے۔