منال خان ویسے تو انسٹاگرام پر لوگوں کی نظروں میں آنے کا کوئی موقع ہاتھ سے نہیں جانے دیتیں لیکن پیر کے روز انھیں ایک پوسٹ لگانا مہنگا پڑگیا کیوں کہ لوگوں نے منٹوں میں ہی انھیں اڑے ہاتھوں لینا شروع کردیا۔
امریکی ماڈل کی اسٹوری چوری
دراصل ہوا کچھ یوں کہ منال خان نے پیر کے دن انسٹاگرام پر ناشتے کی اسٹوری لگائی جو تھوڑی دیر پہلے ہی مشہور امریکی ماڈل کائلی جینیفر نے لگائی تھی۔ تصویر دیکھ کر صاف اندازہ ہورہا ہے کہ منال خان نے امریکی ماڈل کا نام کروپ کر کے ان کے ناشتے کو اپنا ناشتہ دکھانے کی کوشش کی ہے جس کے بعد سوشل میڈیا صارفین نے منال خان کو آڑے ہاتھوں لے لیا۔
کیا منال خود اسٹرابیری نہیں خرید سکتی تھیں؟
حمزہ اختر طنزیہ لکھتے ہیں "پلیز کائلی جنیفر، منال خان کی اسٹوری چوری کرنا بند کردو" جبکہ کچھ صارفین کا کہنا ہے کہ کیا منال خان خود اسٹرابیری نہیں خرید سکتی تھیں کہ انھیں اسٹوری کرنی پڑی۔
منال خان کا جواب
عوام کی جانب سے طنزیہ تبصرات سامنے آنے پر منال خان نے ایک اور اسٹوری پوسٹ کی جس میں وہ "بالکل سچ، روح تک مطمئن ہوگئی" لکھتی ہیں۔ منال کے جواب سے صاف محسوس ہورہا ہے کہ ان کے پاس اس بات کو کوئی حقیقی جواب نہیں۔