پاکستان کے مختلف شہروں اور علاقوں میں شدید بارشوں کے بعد جہاں سیلابی صورتحال ہے وہیں کئی علاقے تباہ ہو چکے ہیں، گھر پانی میں بہہ گئے تو کہیں علاقہ ہی سیلابی پانی کی نظر ہو گیا۔
ہماری ویب ڈاٹ کام کی اس خبر میں آپ کو ایک ایسے ہی گلوکار کے بارے میں بتائیں گے جس کا گھر سیلابی پانی سے متاثر ہوا۔
کوک اسٹوڈیو میں بلوچی گانے سے شہرت پانے والے وہاب بگٹی کی تصاویر سوشل میڈیا پر وائرل ہیں، کوئی یقین ہی نہیں کر پا رہا ہے کہ مقامی آرٹسٹ اس حد تک تکلیف کا شکار ہے۔
اپنی مدہم اور منفرد آواز کی بدولت کوک اسٹوڈیو کے بلوچی گانے "کنا یاری" سے شہرت کی بلندیوں کو چھونے والے گلوکار کی اس حالت نے ان کے چاہنے والوں کو جذباتی تو کیا ہی ساتھ ہی افسردہ بھی کر دیا۔
لیکن ساتھ ہی کوک اسٹوڈیو میں ان کے ساتھ گانے والے گلوکار کیف خلیل نے ایک پوسٹ اپلوڈ کی جس میں کیف نے وہاب بگٹی کا رابطہ نمبر بھی شئیر کیا تاکہ اگر کوئی گلوکار کی مدد کرنا چاہے تو فورا رابطہ کر کے اس مشکل گھڑی میں اپنے بھائی کا سہارا بن سکے۔