اذان کے وقت سر ڈھانپنا نہ صرف مشرقی روایت ہے بلکہ یہ اذان کے احترام کا حصہ بھی ہے۔ اس لئے عام خواتین کے ساتھ مشہور اداکارائیں بھی اذان کے وقت سر ڈھانپنے کا اہتمام کرتی ہیں۔ حال ہی میں حبا بخاری کی ایک ویڈیو وائرل ہورہی ہے جس میں وہ سیاہ لباس اور سیاہ اجرک میں ملبوس ہیں۔ جیسے ہی مغرب کی اذان ہوتی ہے حبا چادر کو سر پر اوڑھ لیتی ہیں جبکہ اس سے قبل کی ویڈیوز میں وہ کندھے پر دوپٹہ لئے ہوئے تھیں۔

شوبز میں ایسی اور بھی کئی اداکارائیں ہیں جو اذان کا احترام کرتی ہیں ان میں بھارت کی پریانکا چوپڑا بھی شامل ہیں۔ پریانکا ویسے تو ہندو مذہب سے تعلق رکھتی ہیں لیکن ایک انٹرویو میں انھوں نے بتایا کہ انھیں اذان کی آواز بہت پسند ہے اور وہ اذان بہت غور سے سنتی ہیں۔