پاکستانی میڈیا انڈسٹری کی معروف اداکارہ زارا نور عباس نے حال ہی میں ایک انٹرویو دیا جس میں انہوں نے جلدی شادی کرنے سے متعلق فائدے بتائے اور ساتھ میں یہ بھی بتایا کہ انہوں نے جلدی شادی کرنے کا فیصلہ کیوں کیا۔
زارا نے ڈرامائی صنعت کے مشہور اداکار اسد صدیقی سے شادی کی جو شوبز کی شاندار جوڑیوں میں سے ایک ہے۔ دونوں اداکاروں کے درمیان کیمسٹری بہت شاندار ہے۔
میزبان و اداکارہ احمد علی بٹ کے حالیہ شو میں بشریٰ انصاری کی بھانجی زارا نور عباس نے کم عمری کی شادیوں کے فوائد اور نقصانات پر بات کی۔
جلدی شادی کرنے سے متعلق سوال پر اداکارہ نے کہا کہ شادی ایک اچھی چیز ہے، یہ آپ کی زندگی میں استحکام لاتی ہے اور یہ آپ کو غیر ضروری تعلقات اور بریک اپ سے بچاتی ہے۔
شادی کے منفی اثرات سے متعلق سوال پر ان کا کہنا تھا ہمارے معاشرے میں کچھ ایسے تعصبات پائے جاتے ہیں جن کی وجہ سے آپ کو کام سے ہاتھ دھونا پڑتے ہیں، آپ کو کام نہیں ملتا اور اگر آپ حاملہ ہیں تو کئی اچھے پراجیکٹس کے لیے آپ کو نہیں لیا جاتا۔ لہٰذا یہ کچھ چیزیں موجود ہیں جس کا ایک اداکارہ کو شادی کے بعد سامنا کرنا پڑتا ہے۔
دوسرے موقع پر زارا نے اپنے شوہر کے ساتھ تعلقات کے بارے میں بات کی، انہوں نے اسد کو ان کا بہت بڑا سہارا ہونے کے بارے میں بتایا، انہوں نے یہ بھی بتایا کہ انہوں نے شادی کے بعد انہیں کیسے بدلا۔
مزید زارا نور عباس نے اپنی شادی سے متعلق کیا کہا دیکھیئے ذیل میں موجود ویڈیو میں۔