پاکستانی فلم انڈسٹری کی مشہور اداکارہ ثناء فخر اپنے شوہر فخر جعفری سے تیرہ سال بعد علیحدہ ہو رہی ہیں۔ انہوں نے اپنی انسٹاگرام سٹوری میں لکھا کہ:
جب رشتے ٹوٹتے ہیں تو دکھ ہوتا ہے لیکن بعض اوقات خود کو بچانے کے لئے رشتے کو ختم کر دینا بھی ضروری ہوتا ہے۔ اس لیے تمام تر عزت و وقار کے ساتھ میں یہ کہنے جا رہی ہوں کہ اب شادی کے کئی سال بعد میں اور میرے شوہر ایک دوسرے سے علیحدگی اختیار کرنے جا رہے ہیں یہ واقعی تکلیف دہ ہے کسی ایسے انسان کا ساتھ چھوڑنا جس کے ساتھ زندگی کا خوبصورت وقت گزارا ہو۔ میں سمجھتی ہوں اور یقین رکھتی ہوں کہ میرے خدا نے کوئی بہت بہتر اور مناسب پلان کیا ہوگا ہم دونوں کے لئے۔ فخر جعفری خدا تمہیں بہتر سے نوازے ۔"
ماضی میں دیکھا جائے تو اداکارہ اپنے سسرال والوں کے ساتھ اور شوہر کے ساتھ پیار محبت بھرے انداز میں دکھائی دیتی تھیں اور انہوں نے کئی انٹرویوز میں اپنی ساس کو ماں کا درجہ دیا تھا
۔ لیکن یہ خبر اچانک یوں سب کے سامنے آنا ایک افسوس ناک بات ہے۔
البتہ اصل وجوہات ابھی تک سامنے نہیں آئی ہیں۔