معروف گلوکارہ حدیقہ کیانی کی والدہ انتقال کر گئیں۔ حدیقہ کے انسٹاگرام پر ان کی مینجمنٹ کی جانب سے کی گئی پوسٹ کے مطابق ان کی والدہ خاور کیانی کا انتقال گھر پر ہی ہوا۔ واضح رہے کہ حدیقہ کی والدہ گزشتہ کچھ عرصے سے کافی بیمار تھیں۔
پوسٹ میں مزید لکھا کہ ہے کہ مرحومہ خاور کیانی ایک حوصلہ مند خاتون تھیں جنھوں نے ایک ورکنگ وومن ہونے کے باوجود اپنے بچوں کا بھی ہمیشہ خیال رکھا۔ خاور کیانی نے کئی کتابیں لکھنے کے علاوہ 1999 میں ہونے والے ورلڈ کپ کا ترانہ اور حدیقہ کا مشہور ترین گیت "بوہے باریاں" بھی لکھا۔