صائمہ کی سادگی بہت پسند ہے۔ جی ہاں یہ الفاظ ہیں ملک کے مشہور فلم ڈائریکٹر سید نور کے۔ جن کا ابھی ایک انٹرویو خوب وائرل ہو رہا ہے جس میں وہ یہ کہتے ہوئے سنائی دے رہے ہیں کہ جب میری بیوی صائمہ فلمیں کیا کرتی تھیں تو مجھے بہت سے لوگ ان کی شکایتیں لگایا کرتے تھے۔
کیونکہ ان کا کہنا تھا کہ کئی فلموں میں ایسے سین ہوا کرتے تھے جو لوگوں کو پسند نہیں آتے تھے اور جاننے والے مجھے کہتے تھے کہ آپ کی بیوی نے یہ کام اچھا نہیں کیا۔
مگر مجھے ان پر پورا یقین تھا کہ وہ ان کا کام ہے مگر وہ میرے ساتھ اور اپنے رشتے کے ساتھ مخلص ہیں۔ یہی وجہ ہے کہ آج 19 سال ہو گئے ہیں ہماری شادی کو کبھی لڑائی نہیں ہوئی۔
کیونکہ وہ حقیقیت میں اتنی سادہ ہیں کہ کبھی فضول خرچی نہیں کرتیں، تصویر نہیں کھینچواتیں، ہاں اب میرے بیٹے نے ان کا سوشل میڈیا پر اکاؤنٹ بنایا ہے جہاں وہ ان کی تصاویر شیئر کرتا ہے۔
یہ کام بھی وہ صرف میرے بیٹے کی خوشیی کیلئے کرتیں ہیں جبکہ پہلی بیوی کے انتقال کے بعد بچے ان سے دور دور رہتے تھے لیکن انہوں نے بہت محنت کی اور آج دیکھیں میری پہلی بیوی کی اولاد ان سے بہت لگاؤ رکھتی ہیں۔