بالی وڈ ہیروئین اتھیا شیٹی کی شادی کرکٹر کننا نور لوکیش سے ہوئی تو ان کے پہنے گئے لہنگے کی بھی خوب واہ واہ ہوئی۔ سنیل شیٹی کی صاحبزادی نے اپنی شادی کے موقع پر ہلکے گلابی رنگ کا لہنگا پہنا تھا جس نے دیکھنے والوں کی نگاہوں کو خیرہ کردیا۔

10 ہزار گھنٹوں میں تیار ہونے والا جوڑا

اتھیا شیٹی کی شادی کا لہنگا بھارت کی مشہور ڈیزائنر انامیکہ کھنہ نے ڈیزائن کیا ہے جن کا کہنا ہے کہ یہ گلابی شاہانہ جوڑا چکنکری کا ہے جسے دلہن کی پسند کے مطابق خاص طور پر تیار کیا گیا۔ اس جوڑے کو بنانے میں 10 ہزار گھنٹے یعنی تقریباً ایک سال کا وقت لگا۔ انامیکہ اس لباس کو “محبت کی محنت“ کا نام دے رہی ہیں۔

لباس کی قیمت

چکن کاری کے علاوہ لباس میں سلک اور آرگنزا سلک کا کپڑا استعمال ہوا ہے۔ واضح رہے کہ ڈیزائنر انامیکہ کے تیار کردہ جوڑوں کی قیمت کئی لاکھ ہوتی ہے۔ وہ کئی بھارتی مشہور اداکاراؤں کے شاری کے جوڑے تیار کر چکی ہیں۔ اتھیا شیٹی نے گلابی لباس کے ساتھ خوبصورت کندن کا زیور پہن رکھا تھا۔