آج کل عام عوام کی طرف سے شادیوں میں لاکھوں کے اخراجات لگائے جاتے ہیں تو سوچین بڑی بڑی شخصیات کی طرف سے اپنی شادی کے دن کو یادگار بنانے کے لیے کتناروپیہ لگایا جاتا ہوگا۔

آج ہم مشہور سیلیبریٹیز کی مہنگی ترین شادیوں سے متعلق آپ کو بتائیں گے کہ ان کی شادی کی تقریب میں کتنا خرچہ ہوا ، جان کر آپ لوگ بھی حیران رہ جائیں گے۔

1- کیارا اڈوانی اور سدھارتھ ملہوترا

حال ہی میں شادی کے بندھن میں بندھنے والی معروف فلمی جوڑی کیارا اڈوانی اور سدھارتھ ملہوترا کی شادی بھارت کی مہنگی ترین جگہ سوریا گڑھ پیلیس میں ہوئی۔ چونکہ سدھارتھ اور کیارا کی شادی کیلئے سوریا گڑھ پیلس میں 3 روز تک بکنگ کی گئی تھی اس لیے ان کی شادی پر 6 کروڑ (19کروڑ پاکستانی روپے) سے زائد کا خرچہ آیا جو سدھارتھ اور کیاراکی شادیوں کو بالی وڈ کی مہنگی ترین شادیوں میں شامل کرتا ہے۔

2- کترینہ کیف اور وکی کوشل

گذشتہ برس بالی ووڈ کی مشہور جوڑی کترینہ کیف اور وکی کوشل کی شادی ہوئی جس پر کروڑوں کا خرچہ آیا۔ بھارتی میڈیا رپورٹ کے مطابق بالی وڈ اداکارہ کترینہ کیف اور وکی کوشل کی شادی بھارتی شہر راجھستان کے سکس سینسز فورتھ بروارا میں ہوئی تھی جس پر 4 کروڑ بھارتی روپے کا خرچہ آیا تھا۔

3- ویرات کوہلی اور انوشکا شرما

بھارت کے امیر ترین کرکٹر ویرات کوہلی اور بالی ووڈ فلم اسٹار اداکارہ انوشکا شرما کی شادی کے خرچہ سن کا لوگوں کے منہ کھلے کے کھلے رہ گئے تھے۔ ویرات اور انوشکا شرما نے اپنی شادی کے لیے اٹلی کے تسکنی ریجن کا انتخاب کیا۔

ٹائمز آف انڈیا کی ایک رپورٹ میں بتایا گیا تھا کہ انوشکا اور ویرات کوہلی کی شادی پر 100 کروڑ بھارتی روپوں کا خرچہ آیا تھا۔

4- شاہین آفریدی اور انشا آفریدی

حال ہی میں شاہین شاہ آفریدی کا نکاح شاہ آفریدی کی بیٹی کے ساتھ ہوا۔ شاہین اور انشا آفریدی کا استقبالیہ ڈی ایچ اے میں واقع گولڈ اینڈ کنٹری کلب میں دیا گیا تھا جو کہ کراچی کی ایک مہنگی ترین جگہ ہے۔ استقبالیہ میں قومی کرکٹ ٹیم کے متعدد کرکٹرز اور شاہین شاہ کے ساتھی کھلاڑیوں اور دیگر مشہور شخصیات نے شرکت کی تھی۔ اور ایک اندازے کے مطابق انشاء آفریدی کے نکاح کا خوبصورت جوڑا 7 لاکھ روپے کا تھا جس کی قیمت جان کر سب حیران رہ گئے تھے۔