معروف بھارتی ٹیلی وژن اداکار کرن کندرا کی اذان کی آواز سن کر اپنی خاص پریس کانفرنس روکنے کی ویڈیو اس وقت سوشل میڈیا پر وائرل ہو رہی ہے۔
کرن کندرا جو کہ سپرہٹ ڈراموں کے اداکار سمجھے جاتے ہیں ایک پریس کانفرنس میں خوبصورت عمل سے لوگوں کے دل جیت لئے۔
بھارتی میڈیا رپورٹس کے مطابق بھارتی اداکار کی جانب سے اذان کے احترام میں پریس کانفرنس روکنے کا واقعہ کچھ دن قبل پیش آیا ہے تاہم ویڈیو اب سوشل میڈیا پر مقبول ہو رہی ہے۔
وائرل ویڈیو میں دیکھا جاسکتا ہے کہ اداکار کرن کندرا اپنے نئے آنے والے ڈرامہ پراجیکٹ تیرے عشق میں گھائل کی پریس کانفرنس میں مصروف تھے کہ اس دوران اذان شروع ہوگئی۔
اداکار نے ساتھی اداکارہ کو اشارہ کرتے ہوئے کہا کہ اذان ہو رہی ہے ، دو منٹ بعد بات کرتے ہیں اور یہ بول خاموش ہوگئے۔
اداکار اذان کے احترام میں خاموش ہوگئے پھر بعد میں پریس کانفرنس دوبارہ شروع کی۔ کرن کندرا کے اس عمل کو سوشل میڈیا پر بے حد پسند کیا جارہا ہے۔