اسلام آباد۔26جنوری (اے پی پی):الیکشن کمیشن نے 8 فروری 2024ء کو ہونے والے عام انتخابات کیلئے حتمی پولنگ سکیم جاری کر دی ہے۔
الیکشن کمیشن کی جانب سے جمعہ کو قومی اسمبلی کے 266، پنجاب اسمبلی کی 297، سندھ اسمبلی کی 130، خیبرپختونخوا اسمبلی کی 115 اور بلوچستان اسمبلی کی 51 جنرل نشستوں کی حتمی پولنگ سکیم جاری کر دی گئی ہے۔ ان نشستوں پر 8 فروری کو ملک بھر سے 12 کروڑ 85 لاکھ سے زائد ووٹرز آئندہ پانچ سال کیلئے اپنے نمائندوں کا انتخاب کریں گے۔