ملتان میں کھیلے جانے والے دوسرے ٹیسٹ میچ میں ساجد خان کی شاندار باؤلنگ کی بدولت انگلینڈ کی ٹیم مشکلات کا شکار ہو گئی۔
دوسرے ٹیسٹ میچ کے تیسرے روز انگلینڈ کی پاکستان کے خلاف پہلی اننگز میں بیٹنگ جاری ہے اور انگلینڈ نے 9 وکٹوں کے نقصان پر 280 رنز بنا لیے ہیں۔
انگلینڈ نے اپنی پہلی نامکمل اننگز کا آغاز 239 رنز 6 کھلاڑی آؤٹ سے کیا لیکن 248 رنز پر ساجد خان نے برینڈن کیرس کو 4 رنز پر آؤٹ کر د یا یہ ان کی پانچویں وکٹ تھی۔
ملتان ٹیسٹ :عامر جمال فٹنس مسائل سے دوچار ہوگئے
میتھیو پوٹس کو بھی ساجد خان نے آؤٹ کیا وہ صرف چھ رنز بنا سکے، اس طرح انگلینڈ نے نو وکٹوں کے نقصان پر 280 رنز بنا لئے ہیں، اس طرح اب بھی انگلینڈ کو پاکستان کی پہلی اننگز کی برتری ختم کرنے کے لئے 86 رنز درکار ہیں اور اس کی ایک وکٹ باقی ہے۔
واضح رہے کہ پاکستان نے پہلی اننگز میں 366 رنز اسکور کیے تھے جبکہ انگلینڈ نے کھیل کے دوسرے روز 6 وکٹوں کے نقصان پر 239 رنز بنائے تھے۔