معروف یوٹیوبر رجب بٹ نے حالیہ تنازع اور ان کے خلاف قانونی کارروائی کے بعد پاکستان سے بیرونِ ملک روانگی اختیار کر لی ہے۔ انہوں نے وی لاگنگ سے عارضی وقفے کا اعلان بھی کیا ہے۔ رجب بٹ پر الزام ہے کہ انہوں نے اپنے ویڈیوز میں مبینہ طور پر اسلامی شخصیات سے متعلق نامناسب کلمات استعمال کیے، جس کے خلاف لاہور ہائی کورٹ میں درخواست دائر کی گئی ہے۔ رجب بٹ نے اپنی موجودہ لوکیشن ظاہر نہیں کی، تاہم حالیہ ٹک ٹاک لائیو سیشن میں انہوں نے دبئی اور پاکستان کے وقت کا ذکر کر کے بیرون ملک موجودگی کا اشارہ دیا۔ انہوں نے واضح کیا کہ انہوں نے ویلاگنگ چھوڑ دی ہے لیکن وہ ٹک ٹاک پر لائیو آتے رہیں گے۔
اپنے لائیو سیشن میں رجب بٹ نے بتایا کہ وہ اپنی والدہ کی اجازت کے بغیر کوئی نیا وی لاگ اپ لوڈ نہیں کریں گے۔
ان کے بقول، اُن کی والدہ موجودہ صورتحال سے پریشان ہیں اور انہوں نے بیٹے کی سلامتی کو اولین ترجیح دیتے ہوئے انہیں خود ایئرپورٹ چھوڑنے آئیں۔
رجب بٹ نے کہا کہ وہ وی لاگنگ کو خیرباد نہیں کہہ رہے، لیکن فی الحال حالات بہتر ہونے کا انتظار کریں گے۔
انہوں نے مزید بتایا کہ وضاحت کے لیے ویڈیوز ریکارڈ کر چکے ہیں، جنہیں وہ مناسب وقت پر جاری کریں گے۔