سابق بھارتی کپتان اور مایہ ناز بیٹسمین روہت شرما اور ویرات کوہلی کو بھارتی ون ڈے ٹیم میں واپسی پر ناکامی کا سامنا کرنا پڑا ہے۔
روہت شرما اور ویرات کوہلی دونوں ہی آسٹریلیا کے خلاف پہلے ون ڈے میں ناکام ہوگئے۔ بھارت کی ٹیم پرتھ میں کھیلے جانے والے آج کے میچ میں شروع میں ہی مشکلات میں مبتلا ہوگئی جب ان کی تین وکٹیں 25 رنز پر گر گئیں، جس میں کپتان شمن گل بھی شامل ہیں۔
روہت اور ورات جون جولائی میں ٹی ٹونٹی ورلڈ کپ جیتنے کے بعد پہلی دفعہ بھارت کی نمائندگی کر رہے تھے اور سب کی نظریں ان پر تھیں کہ یہ کیسے پرفارم کرتے ہیں؟ کیونکہ دونوں نے اس بات پر زور دیا ہے کہ وہ 2027 کا ون ڈے ورلڈ کپ کھیلنا چاہتے ہیں۔
روہت کو جوش ہیزل وڈ نے آٹھ رنز پر آؤٹ کیا جبکہ ورات کو مچل سٹارک نے صفر پر آؤٹ کیا۔