جنوبی افریقا نے پاکستان کے خلاف آئندہ وائٹ بال سیریز کے لیے اپنے چھ سینئر کھلاڑیوں کو آرام دینے کا فیصلہ کیا ہے جبکہ ٹی ٹوئنٹی کپتان ڈیوڈ ملر انجری کے باعث اسکواڈ سے باہر ہو گئے ہیں۔ پاکستان اور جنوبی افریقا کے درمیان تین ون ڈے اور تین ٹی ٹوئنٹی میچوں کی سیریز 28 نومبر سے شروع ہوگی۔
کرکٹ جنوبی افریقا کے مطابق آل راؤنڈر جیرالڈ کوئیٹزی بھی انجری کے باعث سیریز میں شرکت نہیں کر سکیں گے۔ ان دونوں کھلاڑیوں کی جگہ میتھیو بریسکی اور ٹونی ڈی زورزی کو ٹیم میں شامل کر لیا گیا ہے۔
اس سے قبل ساؤتھ افریقی سلیکٹرز نے ٹیسٹ ٹیم کے چھ اہم کھلاڑیوں کگیسو رباڈا، کپتان ایڈن مارکرم، کیشَو مہاراج، رائن رکلٹن، ٹریسٹن سٹبس اور مارکو جانسن کو آرام دینے کا فیصلہ کیا تھا۔ ان کھلاڑیوں نے پاکستان کے خلاف دوسرے ٹیسٹ میں فتح دلانے میں نمایاں کردار ادا کیا تھا۔
اہم پلیئرز کی عدم موجودگی کے باعث ماہرین کا کہنا ہے کہ پاکستان کو ایک نسبتاً کمزور جنوبی افریقی اسکواڈ کا سامنا ہوگا جو سیریز کے نتائج پر واضح اثر ڈال سکتا ہے۔