بھارت میں ہونے والے آئی سی سی ومنز ورلڈ کپ کے دوران آسٹریلیا ٹیم پریشان، ٹیم جو اس وقت اندور شہر میں موجود ہے ان کو مشکلات کا سامنا کرنا پڑا ہے۔
بھارتی میڈیا کے مطابق ایک ریسٹورنٹ میں کھانا کھاتے ہوئے چوہے کو دیکھ کر آسٹریلیا کی خواتین پلیئرز میں بگدڑ مچ گئی۔ اگرچہ یہی کافی نہیں تھا، اگلے ہی دن ٹیم کی طرف سے باقاعدہ ایک شکایت درج کی گئی جس میں بتایا گیا کہ ان کی دو کھلاڑیوں کے ساتھ ایک موٹر سائیکل پر سوار شخص نے نا زیبا حرکتیں کی ہیں جب وہ کافی پینے جا رہی تھی۔
رپورٹ کے بعد پولیس حرکت میں آئی اور انہوں نے اس نوجوان کو گرفتار کرلیا۔ بی سی سی آئی کی طرف سے بھی ایک معافی نامہ جاری کیا گیا ہے کہ آسٹریلن پلیئرز کو ان واقعات کا سامنا کرنا پڑا ہے۔
ان واقعات سے سوال اٹھنا شروع ہو گیا ہے کہ کیا بھارت کو آئی سی سی ایونٹس کی میزبانی دینی چاہیے یا نہیں؟۔