تھانہ غربی پولیس نے جمعرات کے روز کارروائی کرتے ہوئے مردہ جانوروں کا گوشت سپلائی کرنے والا ایک اور گروہ گرفتار کرلیا۔
ترجمان کیپٹل سٹی پولیس پشاور کے مطابق تھانہ غربی پولیس نے مردہ جانوروں کا گوشت مختلف ہوٹلوں میں سپلائی کرنے کی کوشش ناکام بناتے ہوئے ملوث ملزمان کو گاڑی سمیت گرفتار کرلیا۔
ملزمان مردہ جانوروں کا گوشت مختلف ہوٹلوں اور قصاب خانوں کو فروخت کرنے کی کوشش کر رہے تھے۔ اطلاع ملنے پر تھانہ غربی پولیس نے گاڑی کو روک لیا، جس سے مردہ جانوروں کا گوشت برآمد ہوا۔
پولیس کے مطابق ملزمان کے خلاف مقدمہ درج کرلیا گیا ہے اور مزید تفتیش جاری ہے تاکہ اس مکروہ دھندے میں ملوث دیگر عناصر کو بھی گرفتار کیا جا سکے۔