22 سال قبل دہرے قتل کے مقدمے میں نامزد مرکزی اشتہاری ملزم عمران ناگوری عرف اقبال کو کیماڑی اور بلدیہ پولیس نے تکنیکی بنیاد پر گرفتار کر لیا ہے۔
ایس ایس پی کیماڑی امجد شیخ کے مطابق ملزم نے سال 2003 میں ذاتی رنجش کے باعث باپ اور بیٹے سہیل اور محمد اسماعیل کو سر اور چہرے پر گولیاں مار کر قتل کیا تھا۔ دہرے قتل کا مقدمہ تھانہ بلدیہ میں پانچ نامزد ملزمان کے خلاف درج کیا گیا تھا، جس میں عمران ناگوری مرکزی ملزم تھا جو عرصہ دراز سے فرار تھا اور فرضی نام استعمال کرتا رہا۔
ملزم سے مزید تفتیش جاری ہے اور اس کے خلاف قانونی کارروائی عمل میں لائی جا رہی ہے جبکہ پولیس نے بتایا کہ کارروائی کے دوران مقدمے کی دیگر پہلوؤں کی بھی جانچ کی جا رہی ہے۔