شمالی وزیرستان کے مدرسہ میں ہونے والے دھماکے سے 2 بچے جاں بحق جبکہ 8 زخمی ہوگئے۔
سیکیورٹی ذرائع کے مطابق شمالی وزیرستان کے علاقہ میر علی کے گاؤں عیسوڑی کے مدرسے میں ہونے والا دھماکا خوارج کے چھوڑے گئے بارودی مواد سے بچوں کے کھیلنے کے دوران ہوا۔
سکیورٹی ذرائع کے مطابق خوارج نے سیکیورٹی فورسز کا راستہ روکنے کے لیے بارودی سرنگیں بچھائیں۔
ذرائع کا کہنا ہے کہ خیبر پختونخوا میں 114 مربع کلومیٹر علاقے میں بارودی مواد اوربارودی سرنگوں کی نشاندہی کی گئی تھی، پاک فوج نے 82 مربع کلومیٹر علاقہ بارودی مواد سے کلیئر کردیا ہے، جبکہ باقی ماندہ علاقے کی ڈی مائننگ پر تیزی سے کام جاری ہے۔