لاہور میں ڈی ایس پی عثمان حیدر کے ہاتھوں بیوی اور بیٹی کے قتل کے بعد اہم انکشافات سامنے آئے ہیں۔ پولیس حکام کے مطابق 10 مرلے کے پلاٹ پر اختلافات قتل کی اصل وجہ بنے۔ ملزم نے اپنی پہلی بیوی کے نام پلاٹ خرید رکھا تھا جسے بعد میں واپس لے کر فروخت کر دیا اور رقم استعمال کر لی جس پر بیوی اور بیٹی کے درمیان تنازع پیدا ہوا۔
ملزم عثمان حیدر نے دوران تفتیش اعتراف کیا کہ پلاٹ کی رقم بھائی کی شادی کے لیے استعمال کی گئی۔ پولیس کے مطابق ملزم نے چھری کے وار سے اپنی بیوی کو قتل کیا اور آلہ قتل بھی برآمد کر لیا گیا ہے۔
پولیس نے بتایا کہ ڈی ایس پی عثمان حیدر نے بیوی اور بیٹی کی گمشدگی کے بعد انہیں قتل کرنے کا اعتراف کر لیا اور ان کے قتل کے جرم میں گرفتار کر لیا گیا ہے۔ ابتدائی تحقیقات میں یہ بات سامنے آئی کہ عثمان حیدر نے دونوں کو فائرنگ اور چھری کے وار سے قتل کیا تھا۔