عالمی مارکیٹ اور مقامی صرافہ مارکیٹوں میں سونے اور چاندی کی قیمتوں میں دوبارہ اضافہ دیکھا جا رہا ہے۔ آج ملک بھر میں سونے کی قیمتوں میں نمایاں اضافہ ریکارڈ کیا گیا ہے۔
آل پاکستان جیمز اینڈ جیولرز ایسوسی ایشن کے مطابق فی تولہ سونا 5 ہزار 700 روپے مہنگا ہو کر 4 لاکھ 60 ہزار 262 روپے کی سطح پر پہنچ گیا۔
اسی طرح 10 گرام سونے کی قیمت میں بھی 4 ہزار 887 روپے کا اضافہ ہوا، جس کے بعد 10 گرام سونا 3 لاکھ 94 ہزار 600 روپے میں فروخت ہونے لگا۔
فی تولہ چاندی کی قیمت 227 روپے کے اضافے سے 7 ہزار 862 روپے اور فی 10 گرام چاندی کی قیمت بھی 195روپے کے اضافے سے 6 ہزار 740 روپے کی سطح پر آگئی ہے۔
عالمی مارکیٹ میں 57 ڈالر اضافے کے بعد فی اونس سونا 4 ہزار 379 ڈالر کا ہوگیا۔