انٹرنیشنل کرکٹ کونسل نے بنگلا دیش کرکٹ بورڈ کی ورلڈ ٹی ٹوئنٹی کپ کے میچز بھارت میں نہ کھیلنے کی مانگ کو مسترد کر دیا ہے۔
آئی سی سی نے آج اعلان کیا کہ بنگلا دیش کو 24 گھنٹے دیے گئے ہیں اپنی عبوری حکومت سے اجازت لینے کے لیے کہ وہ بھارت ٹیم بھیج سکے ورنہ ان کی جگہ اسکاٹ لینڈ کو شامل کرلیا جائے گا۔
آج آئی سی سی کی بورڈ میٹنگ میں 16 میں سے 14 ممبرز نے بنگلا دیش کی جگہ اسکاٹ لینڈ کو کھلانے کے حق میں ووٹ دیا۔ آئی سی سی نے کہا ہے کہ بنگلا دیش کرکٹ بورڈ اپنے اوپر ہی حکومت سے بات چیت کریں اور بھارت میں کھیلنے کی اجازت حاصل کریں۔
بورڈ نے یہ بھی یقین دہانی کرائی ہے کہ بنگلا دیش کی ٹیم کو بہترین سیکیورٹی دی جائے گی اور ان کے میچز بھی بھارت میں محفوظ مقامات کرائے جائیں گے۔ اگر آئی سی سی نے یہ واضح کردیا کہ اس وقت بنگلا دیش کے میچز بھارت سے کسی اور جگہ منتقل نہیں کی جاسکتے۔
آئی سی سی کے اس فیصلے کے بعد اب کرکٹ شائقین اس بات کا انتظار کر رہے ہیں کہ پاکستان کرکٹ کی بورڈ کی طرف سے کیا رد عمل آتا ہے کیونکہ پی سی بی نے بنگلا دیش کی مانگ کی حمایت کی ہے اور یہ بھی خبریں چھپی ہیں کہ اگر بنگلا دیش کہ میچز بھارت سے منتقل نہیں کیے گئے تو پاکستان بھی ورلڈ کپ کا بائیکاٹ کر سکتا ہے۔