وزیراعظم شہباز شریف سے وفاقی وزیر داخلہ محسن نقوی نے ملاقات کی، جس میں ملک کی مجموعی سیکیورٹی صورتحال پر تفصیلی تبادلہ خیال کیا گیا۔
وزیر داخلہ نے وزیراعظم کو ملک بھر، خاص طور پر اسلام آباد کی موجودہ سیکیورٹی صورتحال پر بریفنگ دی۔ ملاقات میں اندرونی امن و امان، سیکیورٹی انتظامات اور دیگر متعلقہ امور کا جائزہ لیا گیا۔
وزیراعظم نے وزیر داخلہ کو ہدایت کی کہ اسلام آباد میں سیکیورٹی کی صورتحال اور دیگر امور کو نہایت احسن انداز میں سنبھالا جائے اور عوام کے جان و مال کے تحفظ کو ہر صورت یقینی بنایا جائے۔
ملاقات میں یہ بھی بتایا گیا کہ وزیر داخلہ محسن نقوی جلد سری لنکا کا دورہ کریں گے، جہاں وہ سری لنکن صدر کو وزیراعظم کا خصوصی پیغام پہنچائیں گے۔