سندھ کے ضلع خیرپور کے علاقے ٹنڈو مستی کےقریب قومی شاہراہ پر ٹریفک حادثے میں 11 افراد جاں بحق جبکہ 10 زخمی ہوگئے۔
خیرپور میں قومی شاہراہ پر تیز رفتار کوچ اوور ٹیکنگ کے دوران ٹرک سے جا ٹکرائی، حادثے میں مسافر کوچ کا ڈرائیور اور کنڈیکٹر بھی جان گنوا بیٹھے۔ تمام لاشوں اور زخمیوں کو خیرپور سول اسپتال منتقل کردیا گیا۔ بدقسمت مسافر بس پنجاب سے کراچی آرہی تھی۔
آئی جی سندھ نے ایس ایس پی خیرپور کو پولیس نفری فوری جائے حادثہ پر روانہ کرنے اور امدادی سرگرمیاں یقینی بنانے کی ہدایت کی۔