محکمہ موسمیات نے کراچی والوں کو گرمی کی شدت میں اضافے سے خبردار کردیا۔
محکمہ موسمیات نے گرمی کی شدت میں اضافے کی پیشگوئی کرتے ہوئے کراچی کے شہریوں کو خبردار کیا ہے کہ آنے والے دنوں میں موسم مزید گرم اور خشک رہ سکتا ہے۔
محکمہ موسمیات کے مطابق آج شہر کا زیادہ سے زیادہ درجہ حرارت 34 سے 36 ڈگری سینٹی گریڈ کے درمیان رہنے کی توقع ہے، جبکہ کم سے کم درجہ حرارت 20.8 ڈگری سینٹی گریڈ ریکارڈ کیا گیا ہے۔
ہوا میں نمی کا زیادہ تناسب (95 فیصد) ہونے کی وجہ سے حبس کی کیفیت محسوس کی جا سکتی ہے۔
اس وقت شہر میں شمال مغربی سمت سے 7 کلو میٹر فی گھنٹہ کی رفتار سے ہلکی ہوائیں چل رہی ہیں۔
ماہرینِ کے مطابق دن میں تیز دھوپ کے باعث گرمی بڑھے گی، لہٰذا شہری بلا ضرورت دھوپ میں نکلنے سے گریز کریں اور پانی کا استعمال زیادہ رکھیں۔
دوسری جانب ایران میں حالیہ صورتحال کے سبب ہوائیں آلودہ ذرات پاکستان کے مغربی حصوں تک پہنچا سکتی ہیں، جس سے وہاں فضائی معیار متاثر ہونے کا خدشہ ہے۔